എസ് എസ് രാജമൗലിയുടെ ‘ആർ ആർ ആർ’ എന്ന പുതിയ ചിത്രത്തിൽ ജൂനിയർ എൻടിആറിന്റ നായികയായി സായ് പല്ലവി എത്തുമെന്ന് റിപ്പോർട്ട്. സായ് പല്ലവിയുമായുള്ള ചർച്ചകൾ നടന്നുകൊണ്ടിരിക്കുകയാണെന്നും ഔദ്യോഗിക സ്ഥിരീകരണം ഉടനെ വരുമെന്നുമാണ് ചിത്രത്തിനോട് അടുത്ത വൃത്തങ്ങൾ പറയുന്നത്. ജൂനിയർ എൻടിആറിന് പുറമേ രാം ചരണും ചിത്രത്തിൽ മുഖ്യവേഷത്തിലെത്തുന്നു.
ബ്രിട്ടീഷ് അഭിനേത്രിയായ ഡെയ്സി എഡ്ജർ ജോനസ് ചെയ്യേണ്ടിയിരുന്ന വേഷമാണ് സായിലേക്ക് എത്തിയിരിക്കുന്നതെന്നും റിപ്പോർട്ടുകൾ പറയുന്നു. വ്യക്തിപരമായ കാരണങ്ങളാൽ ഡെയ്സി ജോനസ് സിനിമയിൽ നിന്നും പിന്മാറിയതിനെത്തുടർന്നാണ് സായി പല്ലവിയിലേക്ക് റോൾ എത്തിയത്.ചിത്രത്തിൽ ബോളിവുഡ് താരങ്ങളായ ആലിയ ഭട്ട്, അജയ് ദേവ്ഗൺ എന്നിവരും അഭിനയിക്കുന്നുണ്ട്.
ഇന്ത്യൻ പിരീഡ് ആക്ഷൻ ഫിലിം ആയാണ് ‘ആർആർആർ’ ഒരുങ്ങുന്നത്. ഇന്ത്യയ്ക്ക് സ്വാതന്ത്ര്യം ലഭിക്കുന്നതിനു മുൻപുള്ള കാലഘട്ടമാണ് ചിത്രത്തിന്റെ പശ്ചാത്തലം. ചിത്രത്തിന്റെ തിരക്കഥ ഒരുക്കിയിരിക്കുന്നതും രാജമൗലി തന്നെയാണ്. 300 കോടി ചെലവിലാണ് ചിത്രം ഒരുങ്ങുന്നതെന്നും റിപ്പോർട്ടുകളുണ്ട്. 2020ൽ ആർ ആർ ആർ തിയേറ്ററുകളിലെത്തും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
