ഫിറ്റ്‌നെസിന്റെ കാര്യത്തില്‍ യാതൊരു വിട്ടുവീഴ്ച്ചയും ചെയ്യാത്ത ബോളിവുഡ് നടിയാണ് സോനം കപൂര്‍. വ്യായാമവും ഡയറ്റിങ്ങും കൃത്യമായി പിന്തുടരാറുള്ള ഇവര്‍ ക്യത്യമായ ഭക്ഷണരീതിയിലൂടെയാണ് അമിത വണ്ണം സോനം കുറച്ചത്.
ഭക്ഷണ പ്രേമിയായ സോനത്തിന് ചുവന്ന അരിയുടെ ചോറാണ് ഇപ്പോഴത്തെ ഇഷ്ട ഭക്ഷണം. സോനത്തിന്റെ ഡയറ്റിനെ കുറിച്ച് പരിശീലകയായ രാധിക കാര്‍ലെ നേരത്തെ പറഞ്ഞിട്ടുള്ളതാണ്. പച്ചക്കറികള്‍ മാത്രമുള്ള ഡയറ്റാണ് സോനം പിന്തുടരുന്നത്. വെള്ള അരിയില്‍ നിന്ന് കുറച്ച് കാലം മുന്‍പാണ് സോനം ചുവന്ന അരിയിലേക്ക് മാറിയത്.
ചിക്കന്‍ വിഭവങ്ങള്‍ സോനം കഴിക്കാറില്ല രാധിക പറയുന്നു. വീട്ടില്‍ നിന്നും മാത്രം ഭക്ഷണം കഴിക്കാനിഷ്ടപ്പെടുന്ന സോനം പ്രത്യേകം തയ്യാറാക്കിയ കീറ്റോ ചോക്ലേറ്റ് കഴിക്കാറുണ്ട് ഇതോടൊപ്പം തേങ്ങവെള്ളവും ധാരാളം കഴിക്കും. വീട്ടില്‍ തന്നെ ഉണ്ടാക്കുന്ന റൊട്ടി ദാല്‍ എന്നിവയാണ് സോനത്തിന്റെ സ്ഥിരം മെനു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
