ആദിത്യ പഞ്ചോളിക്കെതിരെ ബലാത്സംഗ കേസ്; ആസൂത്രിതമെന്ന് നടന്‍

കേസ് മൂന്‍കൂട്ടി ആസൂത്രണം ചെയ്തതാണെന്ന് ആദിത്യ പഞ്ചോളി പ്രതികരിച്ചു
ആദിത്യ പഞ്ചോളിക്കെതിരെ ബലാത്സംഗ കേസ്; ആസൂത്രിതമെന്ന് നടന്‍

മുംബൈ: ബോളിവുഡിലെ പ്രമുഖ നടിയുടെ ലൈംഗിക പീഡന പരാതിയില്‍ മുംബൈ പൊലീസ് കേസെടുത്തതിനോട് പ്രതികരിച്ച് ബോളിവുഡ് നടന്‍ ആദിത്യ പഞ്ചോളി. ഇത് മൂന്‍കൂട്ടി ആസൂത്രണം ചെയ്തതാണെന്ന് ആദിത്യ പഞ്ചോളി പ്രതികരിച്ചു.

കേസില്‍ എഫ്‌ഐആര്‍ രജിസ്റ്റര്‍ ചെയ്ത കാര്യം നടന്‍ സ്ഥിരീകരിച്ചു. പതിനാലു വര്‍ഷം മുന്‍പ് പീഡനം നടന്നോ അതോ നടന്നില്ലെ എന്ന് അന്വേഷണത്തില്‍ ബോധ്യമാകും. എല്ലാവരും അപ്പോള്‍ സത്യം അറിയും.എന്നാല്‍ ഇതെല്ലാം മുന്‍കൂട്ടി ആസൂത്രണം ചെയ്തതാണെന്ന് ആദിത്യ പഞ്ചോളി ആരോപിച്ചു.

അതേസമയം പിടിച്ചുപറി കേസിനെ കുറിച്ച് തനിക്ക് അറിയില്ലെന്നാണ് നടന്റെ പ്രതികരണം.പിടിച്ചുപറിയുമായി ബന്ധപ്പെട്ട്് തനിക്കെതിരെ ചുമത്തിയിട്ടുളള കുറ്റങ്ങളെ കുറിച്ച്് തനിക്ക് അറിയില്ലെന്നും അദ്ദേഹം പറഞ്ഞു.

മുംബൈയിലെ വെര്‍സോവ പൊലീസ് സ്റ്റേഷനിലാണ് പഞ്ചോളിക്കെതിരെ കേസ് രജിസ്റ്റര്‍ ചെയ്തിരിക്കുന്നത്. ബലാത്സംഗം ഉള്‍പ്പെടെയുളള കുറ്റങ്ങളാണ് പഞ്ചോളിക്കെതിരെ ചുമത്തിയിരിക്കുന്നത്.സംഭവത്തില്‍ പരാതി നല്‍കിയ നടിയുടെ മൊഴി പൊലീസ് കഴിഞ്ഞ ദിവസം രേഖപ്പെടുത്തിയിരുന്നു. പത്ത് വര്‍ഷം മുമ്പ് ആദിത്യ പഞ്ചോളി തന്നെ ലൈംഗികമായി പീഡിപ്പിച്ചുവെന്നാണ് നടി നല്‍കിയ പരാതി.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com