മലയാള സിനിമാ താരങ്ങളെല്ലാം ഒത്തുചേർന്ന ദിവസമാണ് ഇന്ന്. കൊച്ചിയിലെ ഗ്രാൻഡ് ഹയാത്ത് ഹോട്ടലിൽ നടന്ന താരസംഘടനയായ അമ്മയുടെ വാർഷിക ജനറൽ ബോഡി യോഗത്തിലായിരുന്നു ഈ കൂടിച്ചേരൽ. അതേസമയം ഇതേദിവസം സമൂഹമാധ്യമങ്ങളിൽ ചർച്ചയാകുന്നത് നടൻ ജയസൂര്യ പങ്കുവച്ച ഒരു ചിത്രമാണ്.
മോഹൻലാൽ സ്വന്തമായി വരച്ചുനൽകിയ ഒരു ചിത്രമാണ് ജയസൂര്യ ആരാധകരുമായി പങ്കുവച്ചിരിക്കുന്നത്. ഒരുപാട് സ്നേഹത്തോടെ എന്ന് ചിത്രത്തിൽ മോഹൻലാൽ എഴുതുചേർത്തിട്ടുമുണ്ട്. അമ്മയുടെ എക്സിക്യൂട്ടീവ് മീറ്റിങ്ങിനിടയിൽ വരച്ചതാണ് ചിത്രം എന്നാണ് കരുതപ്പെടുന്നത്. ചിത്രത്തിന് താഴെ 'ഭാഗ്യം' എന്നെല്ലാം കുറിച്ചുകൊണ്ടുള്ള കമന്റുകള് വന്നുക്കഴിഞ്ഞു.അമ്മ സംഘടനയിൽ കാര്യഗൗരവമായ ചർച്ചകൾ നടക്കുമ്പോൾ പ്രധാന വ്യക്തികൾ ചിത്രം വരയ്ക്കുകയാണോ എന്ന തരത്തിലുള്ള ചോദ്യങ്ങളും ചിത്രത്തിന് താഴെ ഉയരുന്നുണ്ട്.
കഴിഞ്ഞ വർഷം നടൻ അജു വർഗ്ഗീസിനും മോഹൻലാൽ ഇത്തരത്തിൽ ചിത്രങ്ങൾ വരച്ചു നൽകിയിരുന്നു. അന്ന് ഹോളിഡേ ഇന്നിൽ വച്ച് നടന്ന മീറ്റിങ്ങിനിടയിലാണ് അജുവിന് അദ്ദേഹം ചിത്രങ്ങൾ സമ്മാനിച്ചത്. ഒരു വർഷം പിന്നിട്ടിട്ടും ഈ ചിത്രങ്ങൾ ഇപ്പോഴും ചർച്ചയാകുന്നുണ്ട്. ഇതിന് പിന്നാലെയാണ് ഇക്കുറി ജയസൂര്യയും ചിത്രം പങ്കുവച്ചിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ