തെന്നിന്ത്യയിലെ താരസുന്ദരിയായി വളര്‍ന്ന താരമാണ് അമല പോള്‍. സാമൂഹ്യമാധ്യമങ്ങളില്‍ സജീവമായ അമല പങ്കുവയ്ക്കുന്ന ചിത്രങ്ങളും വീഡിയോകളും ആരാധകര്‍ ഏറ്റെടുക്കാറുണ്ട്. അത്തരത്തില്‍ പങ്കുവച്ച പുതിയ ചിത്രമാണ് വൈറലാകുന്നത്
സര്‍ഫിങ് പഠനത്തിലാണ് അമല പോള്‍ ഇപ്പോള്‍. എന്ത് ചോദ്യത്തിനും ഉത്തരം കിട്ടുന്ന സ്ഥലമാണ് കടലോരം, സ്‌കൂള്‍ കാലത്തിലേക്ക് തിരിച്ചുപോവുകയാണ്, ഇത്തവണ സര്‍ഫിങ് സ്‌കൂളിലേക്കാണ്.സര്‍ഫിങ് പഠിക്കുന്നു എന്ന കുറിപ്പോടെയാണ് താരം ചിത്രം പങ്കുവച്ചിരിക്കുന്നത്. പുതുശ്ശേരിയിലെ ബീച്ചിലാണ് അമല പോള്‍ സര്‍ഫിങ് പരിശീലിക്കുന്നത്. കഴിഞ്ഞ മൂന്ന് മാസത്തോളമായി സര്‍ഫിങ് പരിശീലനത്തിലാണ് താരം.
അമലയെ അഭിനന്ദിക്കുന്നുണ്ടെങ്കിലും കാണുന്നത് പോലെ അത്ര എളുപ്പമുള്ള പരിപാടിയല്ല ഇതെന്നും ഉപ്പുവെള്ളം നന്നായി കുടിക്കേണ്ടി വരുമെന്നുമുള്ള മുന്നറിയിപ്പുകളും ആരാധകര്‍ നല്‍കുന്നുണ്ട്.. കെ ആര്‍ വിനോദ് സംവിധാനം ചെയ്യുന്ന അതോ അന്ത പറവൈ പോല്‍, രത്‌ന കുമാര്‍ സംവിധാനം ചെയ്യുന്ന ആടൈ തുടങ്ങിയവയാണ് അമലയുടെ അണിയറയില്‍ ഒരുങ്ങിക്കൊണ്ടിരിക്കുന്ന ചിത്രങ്ങള്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
