ശങ്കർ രാമകൃഷ്ണൻ രചനയും സംവിധാനവും നിർവഹിക്കുന്ന പതിനെട്ടാം പടിയുടെ അവസാന ഘട്ട ചിത്രീകരണം ഈയാഴ്ച തുടങ്ങും. എറണാകുളത്തും ആതിരപ്പിള്ളിയിലുമായി നടക്കുന്ന ചിത്രീകരണത്തിൽ മമ്മൂട്ടി രണ്ട് ദിവസം പങ്കെടുക്കും. പതിനെട്ടാം പടിയുടെ കഴിഞ്ഞ ഷെഡ്യൂളിൽ മമ്മൂട്ടി അഭിനയിച്ചിരുന്നു.
ആഗസ്റ്റ് സിനിമാസ് നിർമ്മിക്കുന്ന ചിത്രത്തിൽ ജോൺ എബ്രഹാം പാലയ്ക്കൽ എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. പുതുമുഖങ്ങൾ പ്രധാന വേഷങ്ങൾ അവതരിപ്പിക്കുന്ന പതിനെട്ടാം പടിയിൽ മമ്മൂട്ടിക്കൊപ്പം പൃഥ്വിരാജും ടൊവിനോ തോമസും ആര്യയും അതിഥി താരങ്ങളായി പ്രത്യക്ഷപ്പെടുന്നുണ്ട്.
മാർച്ച് അവസാന വാരമാണ് ആര്യയുടെ രംഗങ്ങൾ ചിത്രീകരിക്കുന്നത്. മണാലിയാണ് ലൊക്കേഷൻ. ഏപ്രിൽ ആദ്യവാരം പൃഥ്വിരാജിന്റെയും ടൊവിനോ തോമസിന്റെയും രംഗങ്ങൾ എറണാകുളത്ത് ചിത്രീകരിക്കുമെന്ന് ആഗസ്റ്റ് സിനിമയിൽ നിന്ന് അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ