നടിയും അവതാരികയുമായ പേളി മാണിയും സീരിയൽ താരം ശ്രീനിഷ് അരവിന്ദും വിവാഹിതരാകുന്നു. ഈ വർഷം മെയിലാണ് ഇരുവരും വിവാഹിതരാകുന്നത്. മെയ് അഞ്ച് എട്ട് തിയതികളിലായാണ് വിവാഹം. വിവാഹവാർത്ത പേളി തന്നെയാണ് പങ്കുവച്ചത്.
സമൂഹമാധ്യമങ്ങളിലൂടെയാണ് ഏറ്റവും പ്രിയപ്പെട്ട് സ്വപ്നം സഫലമാകുന്ന വാർത്ത താരം ആരാധകരുമായി പങ്കുവച്ചത്. ശ്രീനിഷിനെ ടാഗ് ചെയ്താണ് വിവാഹത്തിയതികൾ താരം ചിത്രം പോസ്റ്റ് ചെയ്തിരിക്കുന്നത്.
റിയാലിറ്റി ഷോയിലൂടെ പരിചയപ്പെട്ട ഇരുവരും തങ്ങളുടെ പ്രണയം പരസ്യമായി തുറന്നുപറഞ്ഞവരാണ്. ഷോ വിജയിക്കാൻ ഇരുവരും ചേർന്നുള്ള നാടകമാണ് പ്രണയം എന്ന് വിമർശനം ഉയർന്നിരുന്നെങ്കിലും വിമർശകരുടെ വായടപ്പിച്ച് തങ്ങളുടെ പ്രണയം അഭിനയമല്ലെന്ന് തുറന്നുകാട്ടുകയായിരുന്നു ഇരുവരും.
വിവാഹനിശ്ചയവും ഒന്നിച്ചുള്ള നിമിഷങ്ങളും എപ്പോഴും ആരാധകരുമായി പങ്കുവച്ചിരുന്ന താരങ്ങൾ ഒന്നിച്ച് ഒരു വെബ് സീരീസും അടുത്തി‌ടെ ചെയ്തിരുന്നു. പേർളിഷ് എന്ന പേരിൽ പുറത്തുവന്ന വെബ്സീരീസ് ഏറെ ശ്രദ്ധനേടി. ഇതിന് പിന്നാലെയാണ് ഇപ്പോൾ വിവാഹതിയതിയും ഇരുവരും ആരാധകരുമായി പങ്കുവച്ചിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
