നടി പ്രിയങ്ക ചോപ്രയുടെ പുതിയ ഡേറ്റിങ്ങ് ആപ്പിനെ പരിഹസിച്ചുകൊണ്ടുള്ള നടന്‍ സല്‍മാന്‍ ഖാന്റെ പരാമര്‍ശം വിവാദത്തില്‍. സല്‍മാന്‍ നിര്‍മ്മിക്കുന്ന ഏറ്റവും പുതിയ ചിത്രം നോട്ട്ബുക്കിന്റെ വിവരങ്ങള്‍ പങ്കുവയ്ക്കുന്നതിനിടെയാണ് പ്രിയങ്കയെ കളിയാക്കി താരം സംസാരിച്ചത്.
ടിന്‍ഡര്‍ പോലുള്ള ഡേറ്റിങ് ആപ്പുകളില്‍ ആളുകള്‍ മുഴുകിയിരിക്കുമ്പോള്‍ നോട്ട്ബുക്ക് പോലൊരു ചിത്രം പ്രേക്ഷകരുമായി കണക്ട് ചെയ്യുമോ എന്ന ചോദ്യമാണ് പിന്നീട് പ്രിയങ്കയുടെ ഡേറ്റിങ് ആപ്പ് പരാമര്‍ശത്തില്‍ അവസാനിച്ചത്. പ്രിയങ്കയുടെ ബബിള്‍ ആപ്പിനെക്കുറിച്ച് സംസാരിക്കുകയായിരുന്നു അദ്ദേഹം. 'പ്രിയങ്കയുടെ വിവാഹം കഴിഞ്ഞില്ലേ, ഇനിയും എന്തിനാണ് ഡേറ്റിങ്ങ് ആപ്പ്' എന്നായിരുന്നു തമാശ രൂപേണയുള്ള സല്‍മാന്റെ മറുപടി.
എന്നാല്‍ സല്‍മാന്‍ നായകനായ ഭാരത് എന്ന ചിത്രത്തില്‍ നിന്ന് പ്രിയങ്ക അവസാന നിമിഷം പിന്‍മാറിയതാണ് താരം പ്രകടിപ്പിക്കുന്ന ഈ നീരസത്തിന് കാരണമെന്നാണ് ആരോപണം. പ്രിയങ്ക ഒരു സ്ത്രീയായതുകൊണ്ടാണ് ഇത്തരത്തില്‍ സല്‍മാന്‍ സംസാരിച്ചതെന്നും ഒരു പുരുഷനാണ് സമാനമായ ഒരു ആപ്പ് തുടങ്ങിയിരുന്നെങ്കില്‍ താരം ഇങ്ങനെ പ്രതികരിക്കുമായിരുന്നില്ലെന്നും വിമര്‍ശകര്‍ ആരോപിക്കുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
