മഹാരാജാസില്‍ കൊല്ലപ്പെട്ട അഭിമന്യുവിന്റെ ജീവിത കഥ പറയുന്ന 'നാന്‍ പെറ്റ മകന്‍' സിനിമയിലെ ഗാനരംഗം പുറത്തിറക്കി അണിയറപ്രവര്‍ത്തകര്‍. 'കൈതോല ചുറ്റും കെട്ടി കെഴക്കൂന്നാരോ വന്നേ' എന്ന് തുടങ്ങുന്ന ഗാനം സമൂഹമാധ്യമങ്ങളില്‍ കൈയടി നേടിക്കൊണ്ട് മുന്നേറുകയാണ്.
സജി എസ് പാലമേല്‍ സംവിധാനം ചെയ്യുന്ന ചിത്രത്തില്‍ മിനന്‍ ജോണാണ് അഭിമന്യുവിന്റെ വേഷം കൈകാര്യം ചെയ്യുന്നത്. 2012ലെ ഏറ്റവും മികച്ച ബാല താരത്തിനുള്ള ദേശീയ പുരസ്‌കാരം നേടിയ താരമാണ് മിനന്‍ ജോണ്‍. ഇന്ദ്രന്‍സും പ്രധാന വേഷത്തിലെത്തുന്നുണ്ട്.
നടന്‍ ശ്രീനിവാസനാണ് ചിത്രത്തില്‍ അഭിമന്യുവിന്റെ അച്ഛനായി അഭിനയിക്കുന്നത്. അമ്മയായി അഭിനയിക്കുന്നത് നടി സീമ ജി നായരാണ്. ജോയ് മാത്യു, സിദ്ധാര്‍ത്ഥ് ശിവ, മുത്തുമണി, സരയൂ തുടങ്ങിയവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
