മഞ്ജു വാരിയർ പ്രധാന വേഷത്തിലെത്തുന്ന സന്തോഷ് ശിവൻ ചിത്രം ജാക്ക് ആൻഡ് ജില്ലിൽ സൗബിൻ ഷാഹിറും ജോയിൻ ചെയ്തു. ഇന്ത്യയിലെ ഏറ്റവും കഴിവുള്ള അഭിനേതാക്കളിൽ ഒരാൾ എന്ന വിശേഷണമാണ് സൗബിന് സന്തോഷ് ശിവൻ നൽകിയിരിക്കുന്നത്. കഠിനാദ്ധ്വാനിയും സഹകരണമനോഭാവവുമുള്ള താരമാണ് സൗബിനെന്നും സന്തോഷ് ട്വിറ്ററിൽ കുറിച്ചു. ചിത്രത്തിലെ സൗബിന്റെ ലുക്ക് പങ്കുവെച്ചുകൊണ്ടായിരുന്നു ട്വീറ്റ്.
മഞ്ജു വാരിയരും, കാളിദാസ് ജയറാമും, സൗബിൻ ഷാഹിറുമാണ് ജാക്ക് ആൻഡ് ജില്ലിൽ പ്രധാനവേഷങ്ങൾ കൈകാര്യം ചെയ്യുന്നത് എന്നാണ് റിപ്പോർട്ടുകൾ. പാർവതി എന്ന കഥാപാത്രത്തെയാണ് മഞ്ജു അവതരിപ്പിക്കുന്നത്. കെഷ് എന്ന കഥാപാത്രമായി കാളിദാസും കുട്ടാപ്സ് ആയി സൗബിനും വേഷമിടുന്നു. നെടുമുടി വേണു, അജു വർഗീസ്, ബേസില് ജോസഫ്, ഇന്ദ്രന്സ്, സേതുലക്ഷ്മി, ഹരിനാരായണന്, അമിത് മോഹന് രാജേശ്വരി, വിനീത എന്നിവരാണ് മറ്റുതാരങ്ങള്.
സന്തോഷ് ശിവൻ കഥയും തിരക്കഥയും കൈകാര്യം ചെയ്തിരിക്കുന്ന സിനിമ കൊച്ചി, ഹരിപ്പാട് എന്നിവിടങ്ങളിലാ ചിത്രീകരിക്കുന്നത്. ഹരിപ്പാട്, ചെറുതന എന്ന സ്ഥലത്ത് ലക്ഷങ്ങള് ചിലവിട്ട് നിർമ്മിച്ച കൂറ്റന് സെറ്റിലാണ് പ്രധാന രംഗങ്ങളുടെ ചിത്രീകരണം. ചില രംഗങ്ങൾ അമേരിക്കയിലും ചിത്രാകരിക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ