ദീപാവലി ദിവസം ബോളിവുഡ് താരം അമിതാഭ് ബച്ചന്റെ വീട്ടില് വെച്ച് നടന്ന ആഘോഷ രാവിലുണ്ടായ ഒരു അപകടം വലിയ വാർത്തയായിരുന്നു. ഐശ്വര്യ റായിയുടെ മാനേജർ അർച്ചന സദാനന്ദന്റെ വസ്ത്രത്തിന് തീ പിടിക്കുകയായിരുന്നു. പാർട്ടിയിൽ പങ്കെടുക്കാൻ എത്തിയ ഷാരുഖ് ഖാന്റെ സമയോജിതമായ ഇടപെടലാണ് അർച്ചനയുടെ ജീവൻ രക്ഷിച്ചത് എന്നായിരുന്നു വാർത്തകൾ. ഇതോടെ സൂപ്പർതാരത്തെ പുകഴ്ത്തി നിരവധി പേർ രംഗത്തെത്തിയിരുന്നു. എന്നാൽ ഈ സംഭവത്തിലെ യഥാർത്ഥ ഹീറോ ഐശ്വര്യ റായ് ആയിരുന്നു എന്നാണ് ഇപ്പോൾ പുറത്തുവരുന്ന റിപ്പോർട്ടുകൾ.
ഐശ്വര്യയുടെ സമയോജിതമായ ഇടപെടലാണ് അർച്ചനയുടെ ജീവൻ രക്ഷിച്ചത്. സംഭവത്തിന് സാക്ഷിയായിരുന്നവരാണ് ഐശ്വര്യയാണ് അർച്ചനയുടെ വസ്ത്രത്തിലെ തീ കെടുത്തിയത് എന്ന് വ്യക്തമാക്കിയത്.
'പടികള് ഇറങ്ങുന്നതിന് ഇടയില് അര്ച്ചന സദാനന്ദയുടെ ദുപ്പട്ടയ്ക്ക് തീപിടിച്ചു. പെട്ടെന്ന് അത് പടര്ന്നു കയറി. ഇത് കണ്ട് എന്തുചെയ്യണം എന്ന് അറിയാതെ എല്ലാവരും ഞെട്ടി നിന്നി. ഐശ്വര്യ റായ് ആണ് ഓടിയെത്തി കത്തിയ ദുപ്പട്ടയുടെ ഭാഗം വലിച്ചു കീറിയത്.' സംഭവത്തിന് ദൃക്സാക്ഷിയായവര് വ്യക്തമാക്കി.
നേരത്തെ വന്നിരുന്നത്. ഷാരുഖാണ് അര്ച്ചയുടെ വസ്ത്രത്തിലെ തീ അണച്ചത് എന്നാണ്. ഇതോടെ സല്മാന് ഖാന്, ഫറ ഖാന് ഉള്പ്പടെയുള്ളവര് താരത്തെ പ്രശംസിച്ച് രംഗത്തെത്തിയിരുന്നു. ഇതിനെക്കുറിച്ച് ഷാരുഖ് പ്രതികരിച്ചിരുന്നില്ല. അതിനിടയിലാണ് യഥാര്ത്ഥ ഹീറോ ഐശ്വര്യ റായ് ആണെന്ന റിപ്പോര്ട്ടുകള് പുറത്തുവരുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ