ഈ ചിത്രത്തിലുള്ളത് താരസഹോദരിമാര്‍, ആരാണെന്ന് പറയാന്‍ നിങ്ങള്‍ക്കാവില്ല!
ചെറുപ്പകാലത്തെ ചിത്രങ്ങള്‍ പോസ്റ്റ് ചെയ്ത് ആരാധകരെ ഞെട്ടിക്കുകയാണ് സിനിമ താരങ്ങള്‍. ഒന്നിനു പുറകെ ഒന്നായി സോഷ്യല്‍ മീഡിയയില്‍ വരുന്ന ബ്ലാക്ക് ആന്‍ഡ് വൈറ്റ് ചിത്രങ്ങള്‍ ആരാധകരെയാകെ കുഴക്കുകയാണ്. ഇപ്പോള്‍ പുറത്തുവന്നിരിക്കുന്നത് ബോളിവുഡ് താരസുന്ദരി തബുവിന്റെയും സഹോദരിയും നടിയുമായിരുന്ന ഫറാ നാസിന്റേയും ചിത്രമാണ്.
തബുവിന് പിറന്നാള്‍ ആശംസകള്‍ നേര്‍ന്നുകൊണ്ടാണ് മൂത്തസഹോദരിയായ ഫറ സോഷ്യല്‍ മീഡിയയില്‍ പോസ്റ്റ് ചെയ്തതാണ് ഈ ചിത്രം. പൂവിന്റെ മാലയും വളയും അണിഞ്ഞിരിക്കുന്ന ബ്ലാക്ക് ആന്‍ഡ് വൈറ്റ് ചിത്രമാണ് ഇത്. കരയാന്‍ പോകുന്ന ഭാവത്തോടെയാണ് തബുവിന്റെ ഇരിപ്പ്. മനോഹരചിത്രം ആരാധകരുടെ മനം കവരുകയാണ്. കഴിഞ്ഞ ദിവസമായിരുന്നു തബുവിന്റെ 47ാം പിറന്നാള്‍.
എണ്‍പതുകളിലേയും തൊണ്ണൂറുകളിലേയും അറിയപ്പെടുന്ന നടിയായിരുന്നു ഫറ. നിരവധി ചിത്രങ്ങളില്‍ അഭിനയിച്ച താരം അവസാനം എത്തിയത് ശിഖറിലാണ്. ബോളിവുഡിലും തെന്നിന്ത്യന്‍ സിനിമ ലോകത്തും തിളങ്ങിനിന്ന തബു ഇപ്പോഴും സിനിമയില്‍ സജീവമാണ്. അടുത്തിടെ പുറത്തിറങ്ങിയ അന്ധദുന്നിലെ പ്രകടനം മികച്ച അഭിപ്രായം നേടിയിരുന്നു.
.jpg?w=640&auto=format%2Ccompress)
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
