പ്രമുഖ സമൂഹമാധ്യമ ആപ്ലിക്കേഷനായ ടിക് ടോകിലെ താരങ്ങളെ അണിനിരത്തി പ്രജിന്‍ പ്രതാപ് സംവിധാനം ചെയ്യുന്ന സിനിമയുടെ ട്രെയിലര്‍ പുറത്ത്. തല്ലുമ്പിടി എന്നാണ് ചിത്രത്തിന്റെ പേര്. വൈറല്‍ താരമായ ഫുക്രു ഉള്‍പ്പടെ ടിക്ടോക്കിലൂടെ പ്രശസ്തരായ പതിനഞ്ചോളം താരങ്ങളാണ് ചിത്രത്തില്‍ പ്രധാനവേഷങ്ങള്‍ കൈകാര്യം ചെയ്യുന്നത്.
പി സിനിമാസിന്റെ ബാനറില്‍ സജിത അജിത്, സോണിയ മാനുവല്‍, ദിവ്യ വൃദി എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ചിത്രം സിനിമാ കോറിയോഗ്രാഫിയിലൂടെ ശ്രദ്ധേയനായ പ്രജിന്‍ ആദ്യമായി സംവിധാനം ചെയ്യുന്ന സിനിമയാണിത്.
മലയാള സിനിമാ ചരിത്രത്തില്‍ തന്നെ ഇതാദ്യമായാണ് സോഷ്യല്‍ മീഡിയാ താരങ്ങള്‍ ബിഗ് സ്‌ക്രീനില്‍ എത്തുന്നതെന്ന് പ്രജിന്‍ പ്രതാപ് പറഞ്ഞു. ഷിനൂബ് ആണ് ഛായാഗ്രഹണം. സംഗീതം സുമേഷ് പരമേശ്വരന്‍. ഗാനരചന അജീഷ് ദാസന്‍, സന്തോഷ് വര്‍മ്മ എന്നിവര്‍ നിര്‍വഹിക്കുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
