അജിത്ത് നായകയാനായെത്തിയ വിശ്വാസം സിനിമയിലെ കണ്ണാന കണ്ണേ എന്ന ഗാനം സംഗീത ആസ്വാദകരുടെയെല്ലാം പ്രിയ ഗാനമാണ്. എന്നാൽ ഈ പാട്ടിന്റെ ഒരു ക്യൂട്ട് വേർഷനാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. കൊഞ്ചി കൊഞ്ചി കണ്ണാന കണ്ണെ ആലപിക്കുന്ന കുട്ടിപ്പാട്ടുകാരിയെ ഏറ്റെടുത്തിരിക്കുകയാണ് ഇന്റർനെറ്റ്.
ബന്ധുക്കൾ ഒത്തുകൂടിയതിനിടെയായിരുന്നു മൈക്കും പിടിച്ചുള്ള കുഞ്ഞുവാവയുടെ പാട്ട്. ഭാവവും താളവും ശ്രുതിയുമൊക്കെ ചേർത്ത് പാടാൻ ശ്രമിക്കുമ്പോൾ ആ കുസൃതി കണ്ട് ചിരിക്കുകയാണ് ചുറ്റും കൂടിയിരുന്നവർ. രണ്ട് വരി പാടി നിർത്തിയതും എല്ലാവരും കൈയ്യടിച്ച് അഭിനന്ദിച്ചു. ഇതോടെ നാണിച്ച് തലതാഴ്ത്തുകയാണ്. കുഞ്ഞുവായിൽ നിന്ന് 'എന്നെക്കൊണ്ട് വയ്യ' എന്നൊരു കമന്റും കൂടെ കേട്ടപ്പോൾ പിന്നെ കൂട്ടച്ചിരിയായി.
കുട്ടിയുടെ നിഷ്കളങ്കതയാണ് വിഡിയോ കണ്ടവരെയെല്ലാം ആകർഷിച്ചത്. ആ ചിരി കാണാൻ വീണ്ടു വീണ്ടും കണ്ടെന്നും, കുഞ്ഞിന്റെ കൂടുതൽ പാട്ടുകൾ പങ്കുവയ്ക്കണം എന്നെല്ലാമാണ് വിഡിയോയ്ക്ക് താഴെ നിറയുന്ന കമന്റുകൾ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
