റെയില്വേ പ്ലാറ്റ്ഫോമിലെ ഒരു ഗാനമാണ് രാണു മണ്ഡലിന്റെ ജീവിതം മാറ്റിമറിച്ചത്. ഇപ്പോള് സോഷ്യല് മീഡിയ താരമാണ് ഈ ഗായിക. നിരവധി ആരാധകരുള്ള സെലിബ്രിറ്റിയായി മാറിയതോടെ രാണുവിന്റെ ജീവിതവും കളര്ഫുളായിരിക്കുകയാണ്. ഇപ്പോള് സോഷ്യല് മീഡിയയില് വൈറലാവുന്നത് രാണുവിന്റെ പുതിയ മേക്കോവര് വിഡിയോ ആണ്. ആരാധകരെ അമ്പരപ്പിക്കുകയാണ് രാണുവിന്റെ പുത്തന് ലുക്ക്.
മേക്കപ്പ് ആര്ട്ടിസ്റ്റ് സന്ധ്യയാണ് റാണുവിന്റെ മേക്കോവറിന്റെ പിന്നില്. കാണ്പൂരില് തന്റെ പുതിയ മേക്കോവര് സലൂണ് ആരംഭിക്കുന്നതിന്റെ ഭാഗമായി കംപ്ലീറ്റ് മേക്കോവറിനായി റാണുവിനെ സന്ധ്യ ക്ഷണിക്കുകയായിരുന്നു. ഇളം ഓറഞ്ച് നിറത്തിലുള്ള ലഹങ്കയും അതിന് അനുസരിച്ചുള്ള ഹെവി ആഭരണങ്ങളും അണിഞ്ഞ് തിളങ്ങിയിരിക്കുകയാണ് രാണു. ഇതിനൊപ്പം എലഗന്റ് ഹെയര് സ്റ്റൈല് കൂടി ആയതോടെ അവര് കൂടുതല് സുന്ദരിയായി.
ലതാ മങ്കേഷ്കറിന്റെ ഏക് പ്യാര് കാ നഗ്മാ ഹായ് എന്ന ഗാനം പാടുന്ന രാണുവിന്റെ വിഡിയോ വൈറലായതോടെ അവര് താരമായി മാറിയത്. അതിന് ശേഷം നിരവധി ഗാനങ്ങള് ആലപിക്കാനുള്ള അവസരം അവര്ക്കുണ്ടായി. എന്നാല് അതിനൊപ്പം നിരവധി വിവാദങ്ങളിലും ഇവര് അകപ്പെട്ടു. രാണുവിന്റെ മകള് അവരുടെ സോഷ്യല് മീഡിയ പ്രമോട്ടര്മാര്ക്കെതിരേ രംഗത്തെത്തിയത് വലിയ വിവാദമയാിരുന്നു. കൂടാതെ തന്റെ കൂടെ സെല്ഫി എടുക്കാന് വന്ന ആരാധികയോട് തന്നെ തൊടരുതെന്നും താനൊരു സെലിബ്രിറ്റിയാണെന്ന് പറഞ്ഞതും വിവാദമായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ