വിനീത് ശ്രീനിവാസൻ തന്റെ ഫേസ്ബുക്ക് പേജിൽ പങ്കുവച്ച ചിത്രവും കുറിപ്പുമാണ് സോഷ്യൽ മീഡിയയിൽ വൈറലാകുന്നത്. ജീവിതത്തിൽ ഒരുപാട് അഭിനന്ദനങ്ങൾ നേടിത്തന്ന രണ്ടു സ്ത്രീകളെ പരിചയപ്പെടുത്തുന്നതായിരുന്നു ആ പോസ്റ്റ്. രോഹിണി പ്രണാബ് , ഹെലൻ പോൾ എന്നീ രണ്ടു കഥാപാത്രങ്ങളാണ് അത്.
രോഹിണിയുടെയും ഹെലന്റെയും ചിത്രങ്ങൾ പങ്കുവച്ചുകൊണ്ട് ഒരുപാട് അഭിനന്ദനങ്ങൾ നേടിത്തന്ന രണ്ടു സ്ത്രീകൾ എന്നാണ് വിനീത് കുറിച്ചിരിക്കുന്നത്. വിനീത് ശ്രീനിവാസൻ്റെ സംവിധാനത്തിൽ 2013ൽ പുറത്തിറങ്ങിയ തിര എന്ന ചിത്രത്തിൽ നടി ശോഭന അവതരിപ്പിച്ച കഥാപാത്രമാണ് രോഹിണി പ്രണാബ്. ഹെലൻ പോൾ ആകട്ടെ വിനീത് നിർമ്മിച്ച ഏറ്റവും പുതിയ ചിത്രത്തിലെ കേന്ദ്രകഥാപാത്രവും.
സെക്‌സ് റാക്കറ്റിൻ്റെ വലയിലകപ്പെട്ട് മനുഷ്യക്കടത്തിന് ഇരയാക്കപ്പെടുന്ന പെണ്‍കുട്ടികളുടെ കഥപറഞ്ഞ തിരയിൽ ഡോ. രോഹിണി പ്രണാബ് എന്ന സാമൂഹിക പ്രവര്‍ത്തകയായാണ് ശോഭന എത്തിയത്. രോഹിണിയുടെ തിരിച്ചുവരവിനായി കാത്തിരിക്കുന്നെന്നും, ചിത്രത്തിന്റെ രണ്ടാം ഭാഗം ഉണ്ടാകുമോ? എന്നുമെല്ലാമാണ് കുറിപ്പിന് ആരാധകര്‍ കുറിക്കുന്ന കമന്റുകള്‍.
ഹെലൻ എന്ന ചിത്രത്തിലെ അന്നയുടെ അഭിനയത്തെ അഭിനന്ദിക്കുന്നവരും കുറവല്ല. ഹെലന്‍ കണ്ടിറങ്ങിയതിന്റെ മരവിപ്പ് മാറുന്നില്ലെന്നാണ് കമന്റുകളില്‍ പറയുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
