ബോളിവുഡ് നടന്‍ അര്‍ജ്ജുന്‍ രാംപാലും മുന്‍ മിസ് ഇന്ത്യ മെഹര്‍ ജെല്ലിയയും വിവാഹമോചിതരായി. ഈ വര്‍ഷം മെയ് മാസത്തില്‍ വേര്‍പിരിയല്‍ പ്രഖ്യാപിച്ച ഇരുവരും ഇന്നലെ നിയമപ്രകാരം വിവാഹമോചിതരായി. സ്‌പെഷ്യല്‍ മാര്യേജ് ആക്ട് പ്രകാരം ജഡ്ജി ഷൈലജ സാവന്താണ് ഇരുവര്‍ക്കും വിവാഹമോചനം അനുവദിച്ചത്. കോടതി ഉത്തരവ് പ്രകാരം മക്കളായ മഹീകയും മൈറയും അമ്മയ്‌ക്കൊപ്പം പോകും.
20വര്‍ഷത്തെ മനോഹരമായ യാത്ര അവസാനിപ്പിച്ച് രണ്ട് വഴികളിലൂടെ സഞ്ചരിക്കാന്‍ സമയമായെന്ന് പറഞ്ഞാണ് ഇരുവരും വേര്‍പിരിയര്‍ പ്രഖ്യാപിച്ചത്. ബന്ധം അവസാനിപ്പിക്കുകയാണെങ്കിലും സുഹൃത്തുക്കളായി തുടരുമെന്നാണ് ഇരുവരും പറഞ്ഞത്.
മെഹറുമായി വേര്‍പിരിഞ്ഞ അര്‍ജ്ജുനും കാമുകി മോഡലും നടിയുമായ ഗബ്രിയേല ഡെമെട്രിയാഡെസിനും ജൂലൈ 18ന് ഒരു ആണ്‍കുഞ്ഞ് പിറന്നിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
