സോഷ്യല് മീഡിയയില് അശ്ലീല കമന്റിട്ട യുവാവിനെതിരെ നടി ശാലു കുര്യന് സൈബര് പൊലീസിന് പരാതി നല്കി. കമന്റിന്റെ സ്ക്രീന് ഷോട്ട് സഹിതമാണ് പൊലീസില് പരാതി നല്കിയത്. നേരത്തെ അശ്ലീല കമന്റിന് ശാലു തക്ക മറുപടി നൽകിയിരുന്നു. താന് പോസ്റ്റ് ചെയ്ത ഫോട്ടോയ്ക്കു താഴെ വന്ന കമന്റിന്റെ സ്ക്രീന്ഷോട്ട് സഹിതം കമന്റ് ബോക്സിലിട്ട് ശാലു ഇങ്ങനെ കുറിച്ചു.
'ആദ്യം സ്ത്രീകളെ ബഹുമാനിക്കാന് പഠിക്കൂ. താങ്കളുടെ വീട്ടിലും ഭാര്യയും അമ്മയും ഉണ്ടാകുമല്ലോ. വേണ്ടത് ചെയ്യൂ.'
ഇതിനു പിന്നാലെ യുവാവ് കമന്റ് നീക്കം ചെയ്തു. എന്നാല് ശാലു കുര്യന് അയാളുടെ ഫോട്ടോയും പേരും സഹിതം വീണ്ടും കമന്റ് ചെയ്തു. ഒരു സ്ത്രീയില് നിന്നും ജനിച്ചതിനാല് സ്ത്രീകളെ ബഹുമാനിക്കാനും പഠിക്കണമെന്ന ഓര്മപ്പെടുത്തലോടെ. നിരവധി പേരാണ് നടിയുടെ പ്രവൃത്തിയില് ആശംസകളുമായെത്തിയിട്ടുള്ളത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ