അടുത്തിടെയായി നടന്‍ ടൊവിനോ തോമസിന്റെ യാത്രകളെല്ലാം കാടുകളിലേക്കാണ്. നെല്ലിയാമ്പതിക്കാട്ടിലും പോത്തുണ്ടി ഡാമിനടുത്തും ധോണി ഹില്‍സിലുമൊക്കെയായി പ്രകൃതിയെ അറിഞ്ഞുകൊണ്ടുള്ള യാത്രയിലാണ് താരം. അവസാനമായി നെല്ലിയാമ്പതി ഫോറസ്റ്റ് റെഞ്ചില്‍ നിന്നുള്ള ഒരു ചിത്രമാണ് താരം പങ്കുവെച്ചിരിക്കുന്നത്. ടൊവിനോയുടെ വനയാത്രകള്‍ക്ക് മികച്ച പ്രതികരണമാണ് ലഭിക്കുന്നത്.
നീല റൗണ്ട്‌നെക്ക് ടീഷര്‍ട്ടും ജീന്‍സും കൂളിങ് ഗ്ലാസും അണിഞ്ഞ് കൂള്‍ ലുക്കിലാണ് താരം നില്‍ക്കുന്നത്. മലകള്‍ക്കും കോടമഞ്ഞിനും ഇടയിലായി ആരെയും കൊതിപ്പിക്കുന്നതാണ് താരത്തിന്റെ ചിത്രങ്ങള്‍. പാലക്കാടിന്റെ ദൃശ്യഭംഗി നിറയുന്ന ചിത്രങ്ങള്‍ ആരാധകര്‍ ഏറ്റെടുത്തിരിക്കുകയാണ്.
ഇതിന് മുന്‍പ് ധോണി ഹില്‍സിലെ വെള്ളച്ചാട്ടത്തില്‍ കുളിക്കുന്നതിന്റെ ചിത്രവും താരം പങ്കുവെച്ചിരുന്നു. കൂടാതെ കാട്ടുചോലയിലേക്ക് ഊളിയിടുന്നതിന്റെ വിഡിയോയും താരം പങ്കുവെച്ചിരുന്നു. ഫോറന്‍സിക് മൂവിയുടെ ഷൂട്ടിന് ഇടയിലാണ് താരത്തിന്റെ വനയാത്ര.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
