നടന്മാർ മാത്രമല്ല, ലഹരി ഉപയോ​ഗിക്കുന്ന നടിമാരുമുണ്ട് ; പ്ര​ശ്ന​മു​ണ്ടാ​യ​പ്പോ​ൾ മാ​ത്ര​മാ​ണ് ഷെ​യ്ൻ 'അ​മ്മ​'യി​ൽ അം​ഗ​മാ​യതെന്നും ബാബുരാജ്

കൊ​ച്ചി: പു​തു​ത​ല നടന്മാരിൽ ചിലർ സിനിമാസെറ്റിൽ മയക്കുമരുന്ന് ഉപയോ​ഗിക്കുന്നവരാണെന്ന നിർമ്മാതാക്കളുടെ ആരോപണം ശരിയെന്ന് നടൻ ബാബുരാജ്. സി​നി​മാ സെ​റ്റു​ക​ളി​ൽ ല​ഹ​രി​മ​രു​ന്ന് വ്യാ​പ​ക​മാ​യി   ഉ​പ​യോ​ഗി​ക്കപ്പെടുന്നുണ്ട്. സിനിമാസെറ്റിൽ ലഹരിമരുന്ന് പരിശോധിച്ചാൽ പലരും കു​ടു​ങ്ങു​മെ​ന്നും ബാ​ബു​രാ​ജ് പ​റ​ഞ്ഞു. ചില നടിമാരും ലഹരിമരുന്ന് ഉപയോ​ഗിക്കുന്നുണ്ട്. ലഹരി ഉപയോ​ഗിക്കാത്തവർ ഒന്നിനും കൊള്ളാത്തർ ആണെന്നാണ് ഇവരുടെ നിലപാടെന്നും താരസംഘടനയായ അമ്മയുടെ നിർവാഹകസമിതി അം​ഗമായ ബാബുരാജ് പറഞ്ഞു.

സി​നി​മാ സെ​റ്റു​ക​ളി​ൽ ല​ഹ​രി ഉ​പ​യോ​ഗം ഫാ​ഷ​നാ​യി മാ​റി. എ​ൽ​എ​സ്ഡി​യേ​ക്കാ​ൾ രൂ​ക്ഷ​മാ​യ ല​ഹ​രി​ക​ളാ​ണ് ചി​ല​ർ ഉ​പ​യോ​ഗി​ക്കു​ന്ന​ത്. ചി​ല സി​നി​മാ സെ​റ്റു​ക​ൾ ഇ​ത്ത​ര​ത്തി​ൽ ല​ഹ​രി ഉ​പ​യോ​ഗി​ക്കു​ന്ന​വ​രു​ടേ​ത് മാ​ത്ര​മാ​ണ്. സെ​റ്റി​ൽ പൊ​ലീ​സ് തെ​ര​ച്ചി​ൽ ന​ട​ത്തി​യാ​ൽ പ​ല​രും കു​ടു​ങ്ങും. ല​ഹ​രി ഉ​പ​യോ​ഗി​ക്കു​ന്ന​വ​ർ പ​ല​രും അ​മ്മ​യു​ടെ ഭാ​ഗ​മ​ല്ല. അ​വ​ർ​ക്ക് അമ്മയിൽ അം​ഗമാകാൻ താ​ത്പ​ര്യ​വു​മി​ല്ല. നി​ർ​മാ​താ​ക്ക​ൾ പ​റ​യു​ന്ന​ത് വ​സ്തു​നി​ഷ്ഠ​മാ​ണെ​ന്നും ബാ​ബു​രാ​ജ് പ​റ​ഞ്ഞു.

ഷെ​യ്ൻ നി​ഗ​മി​ന്‍റെ വി​ഷ​യ​ത്തി​ൽ ഇ​ട​പെ​ടാ​ൻ അ​മ്മ​യ്ക്കു പ​രി​മി​തി​യുണ്ട്. ​ പ്ര​ശ്ന​മു​ണ്ടാ​യ​പ്പോ​ൾ മാ​ത്ര​മാ​ണ് ഷെ​യ്ൻ അ​മ്മ​യി​ൽ അം​ഗ​മാ​യ​ത്. ഷെ​യ്നി​ന്‍റെ കാ​ര്യ​ത്തി​ൽ ഇ​ട​പെ​ട​ൽ ഫ​ല​വ​ത്താ​കി​ല്ലെ​ന്ന് ത​നി​ക്ക് ഉ​റ​പ്പു​ണ്ടാ​യി​രു​ന്നു. ഷെ​യ്നി​ന്‍റെ വീ​ഡി​യോ​ക​ൾ ക​ണ്ടാ​ൽ പ​ല​തും മ​ന​സി​ലാ​കും. നി​ർ​മാ​താ​വു​മാ​യു​ള്ള ക​രാ​ർ ലം​ഘി​ച്ചാ​ൽ ഒ​ന്നും ചെ​യ്യാ​ൻ ക​ഴി​യി​ല്ല. അ​തു​കൊ​ണ്ടു​ത​ന്നെ ഷെ​യ്നി​നു പി​ന്തു​ണ ന​ൽ​കു​ന്ന​തി​ൽ പ​രി​ധി​യു​ണ്ടെ​ന്നും ബാ​ബു​രാ​ജ് പ​റ​ഞ്ഞു.

സി​നി​മ​യു​ടെ എ​ല്ലാ മേ​ഖ​ല​യി​ലും ല​ഹ​രി​മ​രു​ന്ന് ഉ​പ​യോ​ഗം വ്യാ​പ​ക​മാണെന്ന് മ​ന​സി​ലാ​യ​തു​കൊ​ണ്ടാ​ണ് ഇത്തരക്കാരെ പു​റ​ത്താ​ക്കു​മെ​ന്ന നി​യ​മം ഉ​ൾ​പ്പെ​ടു​ത്തി അ​മ്മ​യു​ടെ ബൈ​ലോ പു​തു​ക്കി​യ​ത്. പ്രൊ​ഡ്യൂ​സ​ഴ്സ് അ​സോ​സി​യേ​ഷ​ൻ പ്ര​സി​ഡ​ന്‍റ് ര​ഞ്ജി​ത്താ​ണ് പു​തു​ത​ല​മു​റ​യി​ലെ ചി​ല ന​ടന്മാ​ർ സി​നി​മാ സെ​റ്റി​ൽ മ​യ​ക്കു​മ​രു​ന്ന് ഉ​പ​യോ​ഗി​ക്കു​ന്ന​വ​രാ​ണെ​ന്ന ഗു​രു​ത​ര​മാ​യ ആ​രോ​പ​ണം ഉ​ന്ന​യി​ച്ച​ത്. മ​ല​യാ​ള​ത്തി​ലെ ന്യൂ​ജ​ൻ സി​നി​മാ​ക്കാ​രി​ൽ ല​ഹ​രി പി​ടി​മു​റ​ക്കു​ക​യാ​ണെ​ന്ന ആ​രോ​പ​ണം ശരിവെക്കുന്നതായിരുന്നു രഞ്ജിത്തിന്റെ വെളിപ്പെടുത്തൽ. ന​ട​ൻ ഷെ​യി​ൻ നി​ഗ​മി​ന്‍റെ നി​സ​ഹ​ക​ര​ണം മൂ​ലം വെ​യി​ൽ, കു​ർ​ബാ​നി എ​ന്നീ സി​നി​മ​ക​ളു​ടെ ചി​ത്രീ​ക​ര​ണം ഉ​പേ​ക്ഷി​ക്കാ​ൻ തീ​രു​മാ​നി​ച്ച​തായും ഫി​ലിം പ്രൊ​ഡ്യൂ​സേ​ഴ്സ് അ​സോ​സി​യേ​ഷ​ൻ വ്യ​ക്ത​മാ​ക്കി​യി​രു​ന്നു.