പ്രിയദര്‍ശന്‍ ഒരുക്കുന്ന ബിഗ് ബജറ്റ് ചിത്രം 'മരക്കാര്‍ അറബിക്കടലിന്റെ സിംഹം' എന്ന ചിത്രത്തിലെ മോഹന്‍ലാലിന്റെ ഒരു ലൊക്കേഷന്‍ ചിത്രം പുറത്ത് വന്നിരുന്നു. പ്രിയദര്‍ശനൊപ്പം മരക്കാരുടെ വേഷത്തില്‍ കസേരയില്‍ ഇരിക്കുന്ന മോഹന്‍ലാലിന്റെ ചിത്രമാണ് പുറത്തുവന്നത്. ഇതോടെ താരത്തെ അധിഷേപിച്ച് നിരവധി ട്രോളുകളും പുറത്തുവന്നു.
മോഹന്‍ലാലിന്റെ വണ്ണവും വയറുമായിരുന്നു വിമര്‍ശകരുടെ പ്രശ്‌നം. അതിരു കടന്ന ബോഡിഷേമിങ് പ്രയോഗങ്ങളായിരുന്നു പലരും നടത്തിയത്. ഇങ്ങനത്തെ വയര്‍ വെച്ച് എങ്ങനെയാണ് മരയ്ക്കാരാവുക എന്നായിരുന്നു ചിലരുടെ ആശങ്ക. അങ്കിള്‍ ബണ്‍ സിനിമയുടെ രണ്ടാം ഭാഗമാണോ എന്ന് വരെ ചോദിച്ചവരുണ്ട്.
എന്നാല്‍ തനിക്കെതിരെ സോഷ്യല്‍ മീഡിയയില്‍ നിറഞ്ഞ പരിഹാസങ്ങള്‍ക്കും ബോഡിഷെയ്മിങ് കമന്റുകള്‍ക്ക് മറുപടിയുമായി രംഗത്തെത്തിയിരിക്കുകയാണ് മോഹന്‍ലാല്‍. പരിഹസിച്ചവര്‍ക്കായി തന്റെ വര്‍ക്കൗണ്ട് ചിത്രങ്ങളും വിഡിയോയും പുറത്തുവിട്ടാണ് താരത്തിന്റെ ഗംഭീര മറുപടി.
ഫിറ്റ്‌നസിന്റെ കാര്യത്തില്‍ മറ്റ് ഏത് നടനന്മാരെക്കാളും ശ്രദ്ദ ചെലുത്തുന്ന നടനാണ് മോഹന്‍ലാല്‍ എന്ന് തെളിയിക്കുന്നതാണ് പുറത്തുവന്ന പുതിയ വിഡീയോ. ഒടിയന് വേണ്ടി രൂപമാറ്റങ്ങള്‍ നടത്തിയ മോഹന്‍ലാല്‍ പിന്നീട് തന്റെ ശരീരം കാത്തു സൂക്ഷിക്കുന്നതില്‍ ഏറെ ശ്രദ്ധ പുലര്‍ത്തുന്നുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
