ആരാധകരെ ഞെട്ടിക്കാന്‍ അടിപൊളി ഡിസൈനിലുള്ള സ്യൂട്ടും പാന്റ്‌സും ധരിച്ച് എത്തിയതാണ് നമ്മുടെ ബോളിവുഡ് താരം സൊനാക്ഷി സിന്‍ഹ. എന്നാല്‍ ഇത് രണ്‍വീര്‍ സിങ്ങിന്റെ കോട്ട് അല്ലേ എന്നാണ് താരത്തിന്റെ വസ്ത്രം കണ്ട് ആരാധകര്‍ ചോദിക്കുന്നത്.
മഞ്ഞയും കറുപ്പും നിറങ്ങള്‍ കലര്‍ന്ന് ചെക്ക് ഡിസൈനിലുള്ള സ്യൂട്ടും പാന്റുമാണ് സൊനാഷി ധരിച്ചിരിക്കുന്നത്. ഇതിന്റെ ചിത്രങ്ങള്‍ താരം തന്നെ തന്റെ ഇന്‍സ്റ്റഗ്രാം അക്കൗണ്ടിലൂടെ പങ്കുവയ്ക്കുകയും ചെയ്തു. നീളമുള്ള മുടി അഴിച്ചിട്ട് ബ്രൗണ്‍ ഷേഡ് ഉള്ള ഒരു സണ്‍ഗ്ലാസും താരം ധരിച്ചിരുന്നു. പറഞ്ഞിട്ടെന്ത് കാര്യം, ക്രെഡിറ്റ് മുഴുവന്‍ രണ്‍വീറിനാണ് പോകുന്നത്.
കുറച്ച് മാസങ്ങള്‍ക്കു മുന്‍പ് ഇതേ ഡിസൈനിലുള്ള സ്യൂട്ട് ധരിച്ച് രണ്‍വീര്‍ സിങ് എത്തിയിരുന്നു. ഈ സാമ്യതയാണ് സൊനാക്ഷിയുടെ ചിത്രം ശ്രദ്ധ നേടാന്‍ കാരണമായത്. ഇത് കോപ്പിയടി ആണോ എന്നായിരുന്നു ആരാധകരുടെ സംശയം. പിന്നീടാണ് രണ്ടു വസ്ത്രത്തിന്റെയും ഡിസൈനര്‍ ഒന്നാണെന്ന് മനസിലാക്കിയത്.
സെലിബ്രിറ്റി ഡിസൈനര്‍ ധ്രുവ് കപൂര്‍ ആണ് ഈ വസ്ത്രങ്ങള്‍ ഒരുക്കിയത്. ഇതോടെ രണ്‍വീറിന്റെ സ്യൂട്ട് സൊനാക്ഷിക്ക് നല്‍കി ഡിസൈനര്‍ പറ്റിച്ചോ എന്നായി ചില വിരുതന്മാരുടെ ചോദ്യം. എന്തിന്റെ പേരിലായാലും സൊനാക്ഷിയുടെ ലുക്കും ഇന്റര്‍നെറ്റില്‍ തരംഗം സൃഷ്ടിച്ചു.
.jpg?w=640&auto=format%2Ccompress)
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
