മലയാള സിനിമയിൽ നടിമാർക്കിടയിലുള്ള സൗഹൃദങ്ങൾ ഏപ്പോഴും ചർച്ചചെയ്യപ്പെടാറുണ്ട്. അതിൽ കൂടുതൽ തവണ ഇടംപിടിച്ചിട്ടുള്ളതാണ് മഞ്ജു വാര്യർ, പൂർണിമ, ഗീതു മോഹൻദാസ് എന്നിവരുടെ സൗഹൃദം. ഒന്നിച്ച് യാത്രചെയ്തും, സിനിമ കണ്ടുമൊക്കെ തങ്ങളുടെ സൗഹൃദനിമിഷങ്ങൾ ആഘോഷമാക്കാറുണ്ട് മൂവരും. ഇപ്പോഴിത പൂർണിമ നടത്തിയ മുംബൈ യാത്രയ്ക്കിടെയാണ് ഇവരുടെ സൗഹൃദം വീണ്ടും ചർച്ചയാകുന്നത്.
മുംബൈയിൽ നിന്നുള്ള മടക്കയാത്രയ്ക്ക് എയർപ്പോർട്ടിലെത്താൻ താമസിച്ചതു കാരണം ജീവിതത്തിൽ ആദ്യമായി ഫ്ലൈറ്റ് കിട്ടാതെപോയ കഥയാണ് പൂർണിമ ഇൻസ്റ്റഗ്രാം സ്റ്റോറിയിൽ പങ്കുവച്ചത്. എന്നാൽ ഇതിന്റെ കാരണം തിരക്കിയ ആരാധകന് പൂർണിമ കൊടുത്ത മറുപടിയാണ് മൂവർ സംഘത്തിന്റെ സൗഹൃദത്തിൽ എത്തിയത്.
ഫ്ലൈറ്റ് യാത്ര ഉള്ള ദിവസം ഒരു കാരണവശാലും ഗേൾസ് ഡേ ഔട്ടിന് ധൈര്യം കാണിക്കരുത് എന്നാണ് മഞ്ജുവിനൊപ്പമുള്ള ചിത്രം പങ്കുവച്ചുകൊണ്ട് പു‌ർണിമ കുറിച്ചത്. മഞ്ജുവിനും ഗീതുവിനും ഒപ്പമാണ് മുംബൈയിലെ അവസാന ദിനം പൂർണിമ ചിലവിട്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
