'മകന്റെ സാദൃശ്യം തോന്നി'; ഇതിലും വലിയ അംഗീകാരം കിട്ടാനില്ലെന്ന് ടൊവിനോ (വിഡിയോ) 

ഏറ്റവും വലിയ അംഗീകാരം ലഭിച്ചതിന്റെ സന്തോഷത്തിലാണ് ടൊവിനോ
'മകന്റെ സാദൃശ്യം തോന്നി'; ഇതിലും വലിയ അംഗീകാരം കിട്ടാനില്ലെന്ന് ടൊവിനോ (വിഡിയോ) 


ടൊവിനോ തോമസ് പട്ടാളക്കാരനായെത്തിയ എടക്കാട് ബറ്റാലിയന്‍ 06 തിയേറ്ററുകളില്‍ മികച്ച അഭിപ്രായം നേടി മുന്നേറുകയാണ്. ആരാധകരും നിരൂപകരും അഭിനന്ദനങ്ങള്‍ നേരുമ്പോഴും തനിക്ക് കിട്ടാവുന്ന ഏറ്റവും വലിയ അംഗീകാരം ലഭിച്ചതിന്റെ സന്തോഷത്തിലാണ് ടൊവിനോ.

മേജര്‍ സന്ദീപ് ഉണ്ണികൃഷ്ണന്റെ അമ്മയുടെ വാക്കുകളാണ് ടൊവിനോയെ സന്തോഷിപ്പിച്ചിരിക്കുന്നത്. ടൊവിനോയുടെ അഭിനയം കാണ്ടപ്പോള്‍ മകന്റെ സാദൃശ്യം തോന്നിയെന്നും എത്ര പുകഴ്ത്തിയാലും മതിയാക്കാത്തവിധം നന്നായി ടൊവിനോ കഥാപാത്രത്തെ അവതരിപ്പിച്ചെന്നും അമ്മ പറയുന്നു. ഈ വിഡിയോ ഷെയര്‍ ചെയ്തുകൊണ്ടാണ് ഇതിലും വലിയ ഒരു അംഗീകാരം എനിക്കിനി കിട്ടാനില്ല ! എന്ന് ടൊവിനോ കുറിച്ചത്.

നവാഗതനായ സ്വപ്‌നേഷ് കെ നായർ സംവിധാനം ചെയ്യുന്ന ചിത്ര‌ത്തിൽ നായികയാകുന്നത് സംയുക്താ മേനോന്‍ ആണ്. പി ബാലചന്ദ്രന്റേതാണ് തിരകഥ. ഡോ ശ്രീകാന്ത് ഭാസി, തോമസ് ജോസഫ് പട്ടത്താനം, ജയന്ത് മാമ്മന്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com