തെന്നിന്ത്യന് സൂപ്പര് താരം വിജയ്യുടെ പുതിയ ചിത്രം ബിഗില് റീലീസ് ചെയ്യാന് വൈകിയെന്ന പേരില് തിയ്യേറ്റര് തല്ലി തകര്ത്ത സംഭവം തമിഴ്നാട്ടില് വലിയ വിവാദങ്ങള് സൃഷ്ടിച്ചിരുന്നു. ഇപ്പോഴിതാ ഇതുമായി ബന്ധപ്പെട്ട് കടുത്ത വിമര്ശനവുമായി നടി കസ്തൂരി രംഗത്തെത്തിയിരിക്കുകയാണ്.
വിജയിയെ നായകനാക്കി അറ്റ്ലി സംവിധാനം ചെയ്ത ബിഗില് ദിപാവലിയുടെ ഭാഗമായി കഴിഞ്ഞ ദിവസമാണ് പുറത്തിറങ്ങിയത്. ഈ സിനിമയുടെ പ്രദര്ശനം വൈകിതിന്റെ പേരില് ഒരു കൂട്ടം യുവാക്കള് കൃഷ്ണഗിരിയിലെ ഒരു തിയ്യേറ്റര് തല്ലി തകര്ക്കുകയായിരുന്നു. സംഭവം സാമൂഹിക മാധ്യമങ്ങളില് വലിയ ചര്ച്ചയായതോടെയാണ് കസ്തൂരി വിമര്ശനങ്ങളുമായി രംഗത്തെത്തിയത്.
സിനിമ എന്ത് റെക്കോഡുകള് ഉണ്ടാക്കിയാലും തിയ്യേറ്റര് തല്ലി തകര്ത്ത ഈ സംഭവത്തിന്റെ പേരിലായിരിക്കും ഈ ചിത്രം ഇനി ഓര്മിക്കപ്പെടുക എന്ന് കസ്തൂരി വിമര്ശിച്ചു. ആരാധകരല്ല, വിജയിയോട് വിരോധമുള്ളവരാണ് ഇത് ചെയ്തതെന്ന് വാദിച്ചോളൂ, പക്ഷേ സത്യം എല്ലാവര്ക്കും അറിയാം. യാഥാര്ഥ ആരാധകര് ഒരിക്കലും അവരുടെ ബിംബത്തിന് കോട്ടം തട്ടുന്ന പ്രവൃത്തികള് ചെയ്യുകയില്ലായെന്നും അവര് പറയുന്നു.
'അക്രമികളുടെ കൂട്ടത്തില് സ്ത്രീകളും കുട്ടികളും മുതിര്ന്നവരുമില്ല. ഇതെല്ലാം ചെയ്തത് യുവാക്കള്. ഇതാണോ തമിഴ്നാട്ടിലെ യുവാക്കളുടെ ഭാവി'- കസ്തൂരി ട്വീറ്റ് ചെയ്തു. കസ്തൂരിയുടെ പ്രതികരണം സാമൂഹിക മാധ്യമങ്ങളില് വലിയ ചര്ച്ചയാണ് സൃഷ്ടിച്ചിരിക്കുന്നത്. താരത്തെ പിന്തുണച്ചും വിമര്ശിച്ചും നിരവധി ആളുകള് രംഗത്തെത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ