ആരാധകർ ആകാംഷയോടെ കാത്തിരിക്കുന്ന ചിത്രമാണ് മമ്മൂട്ടിയുടെ മാമാങ്കം. നവംബർ 21ന് തിയറ്ററുകളിലെത്തുന്ന ചിത്രത്തിനായി തന്റെ വിവാഹം തന്നെ മാറ്റിവച്ച മെയ്മോൻ സുരേഷാണ് ഇപ്പോൾ സോഷ്യൽ ലോകത്ത് താരം. മമ്മൂട്ടിയുടെ കട്ട ഫാനായ മെയ്മോൻ മാമാങ്കം റിലീസ് ദിനത്തിൽ തന്നെ കാണാൻ വേണ്ടിയാണ് വിവാഹം നേരത്തെയാക്കിയത്.
നവംബർ 21ന് വിവാഹം ഉറപ്പിച്ചിരുന്ന മെയ്മോൻ മാമാങ്കത്തിന്റെ റിലീസ് തിയതി അറിഞ്ഞതും കല്യാണ തിയതി മാറ്റാൻ വീട്ടുകാരോട് ആവശ്യപ്പെടുകയായിരുന്നു. അങ്ങനെ വിവാഹം ഇന്നലെ നടത്തി.
എം പദ്മകുമാര്‍ സംവിധാനം ചെയ്യുന്ന ചിത്രം കാവ്യ ഫിലിംസിന്റെ ബാനറില്‍ വേണു കുന്നപ്പള്ളിയാണ് നിര്‍മിച്ചിരിക്കുന്നത്. ശങ്കർ രാമകൃഷ്ണനാണ് തിരക്കഥ. ഉണ്ണി മുകുന്ദന്‍, ബാല താരം അച്യുതൻ, കനിഹ, അനു സിത്താര, സിദ്ദീഖ്, തരുണ്‍ അറോറ, സുദേവ് നായര്‍, സുരേഷ് കൃഷ്ണ, രതീഷ് കൃഷ്ണ, പ്രാചി തെഹ്ലാൻ എന്നിവരാണ് ചിത്രത്തിലെ മറ്റ് താരങ്ങൾ. മലയാളത്തിനു പുറമേ ഹിന്ദി, തമിഴ്, തെലുങ്ക് ഭാഷകളിൽ പുറത്തിറങ്ങുന്ന ചിത്രം കണ്ണൂര്‍, ഒറ്റപ്പാലം,കൊച്ചി, വാഗമണ്‍ എന്നിവിടങ്ങളിലാണ് ചിത്രീകരിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
