നടൻ സെയ്ഫ് അലി ഖാന്റെയും അമൃത സിങിന്റെയും മകള് സാറ അലി ഖാന് ആരാധകഹൃദയങ്ങൾ കീഴടക്കി മുന്നേറുകയാണ്. കേദാര്നാഥിലൂടെ സുശാന്ത് സിങ് രാജ്പുതിനൊപ്പം അഭിനയത്തിൽ അരങ്ങേറ്റം കുറിച്ച സാറ പിന്നീട് രണ്വീര് സിംഗിനൊപ്പം അഭിനയിച്ച സിംബയും ഹിറ്റായി. സോഷ്യൽ മീഡിയയിലടക്കം നിരവധി ആരാധകരാണ് താരത്തിനിപ്പോൾ. അഭിനയത്തോടൊപ്പം ഫിറ്റ്നസിനും ഏറെ ശ്രദ്ധനൽകുന്ന താരം ഇൻസ്റ്റഗ്രാമിൽ പങ്കുവച്ച ഒരു ചിത്രമാണ് ഇപ്പോൾ വൈറലാകുന്നത്.
നൂറ് കിലോയ്ക്കടുത്ത് ഭാരമുണ്ടായിരുന്നപ്പോൾ എടുത്ത ചിത്രമാണ് താരം പങ്കുവച്ചത്. അമ്മ അമൃത സിങ്ങിനൊപ്പമുള്ള ചിത്രമാണിത്. 19ലക്ഷത്തിലധികം പേരാണ് ചിത്രത്തിന് ലൈക്കടിച്ചിരിക്കുന്നത്. ത്രോബാക്ക് എന്ന് കുറിച്ച് പങ്കുവച്ച ചിത്രത്തിന് ബ്യൂട്ടി ഇൻ ബ്ലാക്ക് എന്ന ഹാഷ്ടാഗാണ് നൽകിയിരിക്കുന്നത്.
താരത്തെ അഭിനന്ദിച്ച് നടി ശ്രദ്ധ കപൂര് കമന്റ് ചെയ്തപ്പോള് ''ഈ പെണ്കുട്ടിയെ കാണാന് സാറ അലിയെപ്പോലുണ്ട്'' എന്നായിരുന്നു നടനും സാറയുടെ അടുത്ത സുഹൃത്തുമായ കാർത്തിക്കിന്റെ പോസ്റ്റ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ