പുത്തൻ കാർ സ്വന്തമാക്കി മലയാളത്തിന്റെ ലേഡി സൂപ്പര് സ്റ്റാര് മഞ്ജു വാര്യര്. അത്യാഡംബര എസ് യു വി മോഡലായ റേഞ്ച് റോവര് വെലാറാണ് മഞ്ജുവിന്റെ പുതിയ കാർ. കേരളത്തിൽ 92 ലക്ഷം രൂപ വിലവരുന്ന വെലാറിന്റെ ആര്-ഡൈനാമിക് മോഡലാണ് താരം സ്വന്തമാക്കിയത്.
കറുപ്പ് നിറത്തിലുള്ള വെലാർ ലാന്ഡ് റോവറിന്റെ കൊച്ചി ഷോറൂമില് നിന്നാണ് മഞ്ജു വീട്ടിലെത്തിച്ചത്. വെലാറിന്റെ ഡീസല് പതിപ്പാണ് ഇത്. 184 kW പവറും 365 എന്എം ടോര്ക്കുമേകുന്ന 1998 സിസി ഡീസല് എന്ജിനാണ് ഈ മോഡലിലുള്ളത്.
അടുത്തിടെ മാരുതി ബലേനോയും മഞ്ജു സ്വന്തമാക്കിയിരുന്നു. ബലേനോയുടെ ഏറ്റവും ഉയര്ന്ന മോഡലായ ആല്ഫയുടെ പരിഷ്കരിച്ച വകഭേദമാണ് താരം സ്വന്തമാക്കിയത്. ചുവപ്പ് നിറത്തിലുള്ള ബലേനോ കാർ ഏറ്റുവാങ്ങുന്ന മഞ്ജുവിന്റെ ചിത്രം സമൂഹമാധ്യമങ്ങളിൽ വൈറലായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ