ഓണം ആഘോഷിച്ച് നസ്രിയയും ഫഹദും; ചിത്രങ്ങള്‍ കാണാം 

വിഭവസമൃദ്ധമായ സദ്യയുടെ ചിത്രവും താരം പങ്കുവച്ചിട്ടുണ്ട്
ഓണം ആഘോഷിച്ച് നസ്രിയയും ഫഹദും; ചിത്രങ്ങള്‍ കാണാം 

ന്നിച്ചുള്ള ആറാമത്തെ ഓണം ആഘോഷമാക്കിയിരിക്കുകയാണ് മലയാളികളുടെ പ്രിയ താരജോഡിയായ ഫഹദും നസ്രിയയും. എല്ലാ ആഘോഷങ്ങള്‍ക്കും ഒന്നിച്ചായിരിക്കാന്‍ ശ്രമിക്കുന്ന ഇരുവരും ഓണത്തിനും ആ പതിവ് തെറ്റിച്ചില്ല. ഓണം ആഘോഷിച്ചതിന്റെ ചിത്രങ്ങള്‍ നസ്രിയ പങ്കുവച്ചിട്ടുമുണ്ട്. ആരാധകര്‍ക്ക് ഓണാശംസകള്‍ നേര്‍ന്നുകൊണ്ടാണ് ചിത്രങ്ങള്‍ ഷെയര്‍ ചെയ്തിരിക്കുന്നത്. 

ഗോള്‍ഡന്‍, ചുവപ്പ് നിറത്തിലുള്ള ചുരിദാറാണ് നസ്രിയയുടെ വേഷം ഫഹദാകട്ടെ പതിവുപോലെ ജീന്‍സും വെള്ള ഷര്‍ട്ടും ധരിച്ച് സിംപിള്‍ ലുക്കിലും. വിഭവസമൃദ്ധമായ സദ്യയുടെ ചിത്രവും താരം ഇതോടൊപ്പം പങ്കുവച്ചിട്ടുണ്ട്. 

2014 ഓഗസ്റ്റിലായിരുന്നു നസ്രിയയുടെയും ഫഹദിന്റെയും വിവാഹം. അടുത്തിടെയാണ് ഇരുവരും അഞ്ചാം വിവാഹ വാര്‍ഷികം ആഘോഷിച്ചത്. വിവാഹശേഷം സിനിമയില്‍ നിന്ന് വിട്ടുനിന്ന നസ്രിയ കൂടെ എന്ന ചിത്രത്തിലൂടെ അഭിനയത്തിലേക്ക് തിരിച്ചെത്തിയിരുന്നു. ഫഹദും നസ്രിയയും ഒന്നിക്കുന്ന അന്‍വര്‍ റഷീദ് ചിത്രം ട്രാന്‍സിനായുള്ള കാത്തിരിപ്പിലാണ് ഇപ്പോള്‍ ആരാധകര്‍. കഴിഞ്ഞ മാസം ചിത്രീകരണം പൂര്‍ത്തിയാക്കിയ ട്രാന്‍സ് വൈകാതെ തിയേറ്ററുകളിലെത്തുമെന്നാണ് അണിയറപ്രവര്‍ത്തകര്‍ അറിയിക്കുന്നത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com