സിനിമയിലെ കഥാപാത്രങ്ങള്‍ പോലെ തന്നെ സുഹൃത്തുക്കളെ നെഞ്ചോട് ചേര്‍ത്തു വെക്കുന്ന താരമാണ് നിവിന്‍ പോളി. സിനിമ മേഖലയിലും താരത്തിന് നിരവധി സുഹൃത്തുക്കളുണ്ട്. ഇപ്പോള്‍ സോഷ്യല്‍ മീഡിയയില്‍ വൈറലാവുന്നത് സുഹൃത്തുക്കളെ കണ്ട നിവിന്‍ പോളിയുടെ പ്രതികരണമാണ്. മൂത്തോന്റെ പ്രീമിയര്‍ ഷോയ്ക്ക് ടൊറന്‍ഡോയില്‍ എത്തിയപ്പോഴാണ് താരം അവിചാരിതമായി സുഹൃത്തുക്കളെ കണ്ടത്. ഉടനെ ആള്‍ക്കൂട്ടത്തിന് ഇടയില്‍ നില്‍ക്കുന്ന സുഹൃത്തുക്കളുടെ അടുത്തേക്ക് ഓടിച്ചെന്ന താരം അവരെ കെട്ടിപ്പിടിക്കുന്നതാണ് വിഡിയോയിലുള്ളത്.
താരത്തിന്റെ ഓട്ടം കണ്ട് കൂടെ നില്‍ക്കുന്നത് അത്ഭുതത്തോടെ നോക്കുന്നതും വിഡിയോയില്‍ കാണാം. ഇന്‍ഫോസിസില്‍ തന്റെ കൂടെ ജോലി ചെയ്ത സഹപ്രവര്‍ത്തകരെയാണ് താരം ഒരുപാട് നാളുകള്‍ക്ക് ശേഷം കണ്ടത്. ലിപിന്‍ നായര്‍, ബോബി ജോസ് എന്നിവരാണ് നിവിന്റെ സുഹൃത്തുക്കള്‍. താരത്തിനൊപ്പം നില്‍ക്കുന്ന ചിത്രം ലിപിന്‍ തന്റെ ഫേയ്‌സ്ബുക്ക് പേജില്‍ പങ്കുവെച്ചിട്ടുണ്ട്. ചിത്രം സോഷ്യല്‍ മീഡിയയില്‍ ഹിറ്റായതോടെ താരത്തിന്റെ സുഹൃത് ബന്ധത്തെപുകഴ്ത്തി രംഗത്തെത്തിയിരിക്കുകയാണ് ആരാധകര്‍.
ഗീതു മോഹന്‍ദാസ് സംവിധാനം ചെയ്ത മൂത്തോന്റെ വേള്‍ഡ് പ്രീമിയറിന്റെ ഭാഗമായാണ് താരം ടൊറന്റോയില്‍ എത്തിയത്. ടൊറന്റെ ഫിലിം ഫെസ്റ്റിവലിന്റെ സ്‌പെഷ്യല്‍ റെപ്രസനന്റേഷന്‍ വിഭാഗത്തിലാണ് ചിത്രം പ്രദര്‍ശിപ്പിച്ചത്. ഗീതുവും നടന്‍ റോഷന്‍ മാത്യുവും ടൊറന്‍ഡോയില്‍ എത്തിയിരുന്നു. മികച്ച പ്രതികരണമാണ് ചിത്രം നേടിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
