ഉറി എന്ന ചിത്രത്തിലൂടെ ശ്രദ്ധേയനായ നടനാണ് വിക്കി കൗശാല്. ഈ ചിത്രത്തിലെ പ്രകടനത്തിന് താരത്തിന് മികച്ച നടനുള്ള ദേശിയ പുരസ്കാരം നേടിയിരുന്നു. ഇപ്പോള് ഹൊറര് ചിത്രത്തില് അഭിനയിക്കാന് ഒരുങ്ങുകയാണ് താരം. ഭൂത് എന്ന് പേരിട്ടിരിക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്ററും പുറത്തുവന്നിരുന്നു. എന്നാല് പ്രേത പടത്തില് അഭിനയിക്കാന് ഒരുങ്ങുന്നുണ്ടെങ്കിലും വിക്കി കൗശാല് ഇതുവരെ ഇത്തരം സിനിമകള് കണ്ടിട്ടില്ല. പ്രേതപടങ്ങള് കാണാന് തനിക്ക് പേടിയാണെന്ന് തുറന്നു പറയുകയാണ് താരം.
ഹൊറര് ചിത്രങ്ങള് കാണുന്നത് തനിക്ക് ഭയമാണെന്നും താന് ആദ്യമായി കാണുന്ന ഹൊറര് ചിത്രമായിരിക്കും ഭൂത് എന്നുമാണ് വിക്കി പറയുന്നത്. ഭൂത് കാണാനും ഒരു കാരണമുണ്ട്. താന് അഭിനയിച്ച ചിത്രമായതിനാല് എന്താണ് സംഭവിക്കുന്നത് എന്ന് തനിക്കറിയാമെന്നും അതിനാലാണ് ചിത്രം കാണുക എന്നാണ് താരം പറയുന്നത്. താന് ഇപ്പോള് വലുതായതിനാല് ഇനി ഹൊറര് പടങ്ങള് കാണാം പറ്റുമെന്ന് ചിന്തിക്കാറുണ്ട്. എന്നാല് സാധിക്കാറില്ലെന്നാണ് വിക്കി പറയുന്നത്.
ഭൂത് പാര്ട് വണ് ഹോണ്ടഡ് ഷിപ്പ് എന്നാണ് ചിത്രത്തിന്റെ മുഴുവന് പേര്. കരണ് ജോഹറാണ് ചിത്രം നിര്മിക്കുന്നത്. ഭാനു പ്രദാപ് സിങ്ങാണ് സംവിധാനം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ