മഞ്ജു വാര്യർ തന്റെ സോഷ്യൽ മീഡിയ പേജുകളിൽ പങ്കുവച്ച ഏറ്റവും പുതിയ ചിത്രം ഏറ്റെടുത്തിരിക്കുകയാണ് ആരാധകർ. നൃത്തവേഷത്തിൽ അതിസുന്ദരിയായ മഞ്ജുവിന്റെ ചിത്രം കണ്ട് 'ഇത് കാവിലെ ഭഗവതി തന്നെ'യാണെന്നാണ് ആരാധകരുടെ കമന്റുകൾ. സന്തോഷ് ശിവൻ സംവിധാനം ചെയ്യുന്ന ജാക്ക് ആൻഡ് ജിൽ എന്ന സിനിമയിലേതാണ് മഞ്ജു പങ്കുവച്ച പുതിയ ചിത്രം.
സന്തോഷ് ശിവൻ തന്നെ ഛായാഗ്രഹണവും സംവിധാനവും നിർവഹിക്കുന്ന ചിത്രത്തിൽ മഞ്ജുവിനൊപ്പം കാളിദാസ് ജയറാമും സൗബിൻ ഷാഹിറുമാണ് പ്രധാന കഥാപാത്രങ്ങളെ അവതരിപ്പിക്കുന്നത്. നെടുമുടി വേണു, അജു വർഗീസ്, സുരാജ് വെഞ്ഞാറമ്മൂട്, രമേഷ് പിഷാരടി തുടങ്ങിയവരും ചിത്രത്തിലുണ്ട്.
ജാക്ക് ആൻഡ് ജിൽ എന്ന ഹാഷ്ടാഗോടെയാണ് മഞ്ജു ഫോട്ടോ ഷെയർ ചെയ്തത്. മണിക്കൂറുകൾക്കകം പതിനായിരകണക്കിന് ആളുകളാണ് ചിത്രകത്തിന് ലൈക്കടിച്ചിരിക്കുന്നത്. മനം മയക്കുന്ന സൗന്ദര്യമെന്നും പ്രതിമ പോലെ എന്നുമെല്ലാമാണ് കമന്റിലെ വിശേഷണങ്ങൾ. പഴയ മഞ്ജു തിരിച്ചെത്തുന്നു എന്നും കണന്റുകളിൽ കാണാം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
