ഭര്ത്താവ് ഡാനിയേല് വെബ്ബറിനെ ആദ്യമായി കണ്ട രസകരമായ കഥ പങ്കുവച്ചിരിക്കുകയാണ് നടി സണ്ണി ലിയോണി. ആദ്യമായി തമ്മില് കണ്ട ദിവസം താന് ലെസ്ബിയന് ആണെന്നാണ് ഡാനിയേല് കരുതിയതെന്ന് സണ്ണി പറഞ്ഞു. ലാസ് വെഗാസില് വച്ച് ഡാനിയേലിന്റെ ബാന്ഡിലെ ഒരു അംഗത്തെ കാണാന് സണ്ണി ചെന്നപ്പോഴായിരുന്നു ഇരുവരുടെയും ആദ്യത്തെ കൂടിക്കാഴ്ച.
"എനിക്കൊപ്പം എന്റെയൊരു പെണ് സുഹൃത്ത് ഉണ്ടായിരുന്നു. അവള് ലെസ്ബിയന് ആണ്. ആണ്കുട്ടികളെ പോലെയാണ് വസ്ത്രം ധരിക്കുന്നതും. ഞങ്ങളെ ഒന്നിച്ച് കണ്ടപ്പോള് ഡാനിയേല് മൊത്തത്തില് തെറ്റിദ്ധരിച്ചു", സണ്ണി പറഞ്ഞു. സണ്ണിയും സുഹൃത്തും കൈ കോര്ത്ത് പിടിച്ചിരിക്കുന്നതാണ് താന് കണ്ടതെന്നും അത് കണ്ടപ്പോള് താന് മൊത്തത്തില് തെറ്റിദ്ധരിച്ചു എന്ന് ഡാനിയേലും സമ്മതിക്കുന്നു.
2011ല് വിവാഹിതരായ ഡാനിയേലും സണ്ണിയും ബോളിവുഡില് ആരാധകരുടെ പ്രിയപ്പെട്ട താരദമ്പതികളാണ്. ഇവര്ക്കൊപ്പം മക്കളായ നിഷ, ആഷര്, നോഹ് എന്നിവരും സോഷ്യല് ലോകത്തെ പ്രിയ താരങ്ങളാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ