ബോളിവുഡിലെ കാസ്റ്റിങ് കൗച്ചിനെക്കുറിച്ച് നിരവധി നടിമാരാണ് തുറന്നു പറഞ്ഞത്. ഇപ്പോൾ വെബ് സീരീസിൽ അഭിനയിക്കാൻ അവസരം നൽകാമെന്ന് പറഞ്ഞ് മോശമായി പെരുമാറിയെന്ന് വ്യക്തമാക്കുകയാണ് നടി മാൻവി ഗാഗ്രൂ. നിരവധി വെബ്സീരീസുകളിലൂടെ ശ്രദ്ധനേടിയ താരമാണ് മാൻവി. വെബ് സീരീസിൽ വേഷം ലഭിക്കാൻ കോംപ്രമൈസ് ചെയ്യണം എന്നാണ് മാൻവിയോട് പറഞ്ഞത്.
ചെറിയ ബജറ്റിൽ എടുക്കുന്ന വെബ് സീരീസാണ് എന്ന് പറഞ്ഞാണ് അവർ ഫോൺ വിളിക്കുന്നത്. ബജറ്റിനെക്കുറിച്ചല്ല, സ്ക്രിപ്റ്റിനെക്കുറിച്ച് പറയാൻ പറഞ്ഞു. ഇഷ്ടമാവുകയാണെങ്കിൽ പ്രതിഫലത്തെക്കുറിച്ചും ഡേറ്റിനെക്കുറിച്ചും പറയാമെന്ന് പറഞ്ഞു. എന്നാൽ ഇത് കേട്ടതോടെ ആദ്യം പറഞ്ഞതിനേക്കാൾ മൂന്ന് ഇരട്ടിയാക്കി അവർ ബജറ്റ് ഉയർത്തി. എനിക്ക് അതിൽ കൂടുതൽ പണം തരാമെന്നും പക്ഷേ കോംപ്രമൈസിന് തയാറാകണം എന്നുമായിരുന്നു അയാൾ പറഞ്ഞത്.
ഇതു കേട്ടതോടെ താൻ വല്ലാതായിയെന്നും ഫോണിലൂടെ അയാളെ ചീത്തവിളിക്കാൻ തുടങ്ങിയെന്നും താരം വ്യക്തമാക്കി. മീ ടൂ കാലത്തിനു ശേഷവും ഇത്തരം കാര്യങ്ങൾ നടക്കുന്നുണ്ട് എന്നറിഞ്ഞപ്പോൾ അമ്പരന്നുപോയി എന്നാണ് മാൻവി പറയുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ