ഒൻപത് വർഷം, ഈ ദിവസം അകന്നിരിക്കുന്നത് ആ​ദ്യമായിട്ടെന്ന് സുപ്രിയ; എന്നെന്നും ഒന്നിച്ചെന്ന് പൃഥ്വി 

മലയാളത്തിന്റെ പ്രിയപ്പെട്ട താരജോഡികളായ പൃഥ്വിരാജും സുപ്രിയയും വിവാഹത്തിന്റെ ഒൻപതാം വാർഷികം ആഘോഷിക്കുകയാണ്. ആദ്യമായി വാർഷികദിനത്തിൽ അകന്നിരിക്കുന്നതിന്റെ വിഷമത്തിലാണ് ഇരുവരും. സമൂ​ഹമാധ്യമങ്ങളിൽ ചിത്രങ്ങൾ പങ്കുവച്ച് ജീവിതത്തിലെ സ്പെഷ്യൽ ദിനത്തിന്റെ സന്തോഷം ഇരുവരും പങ്കുവച്ചു. 

2011 ലാണ് സുപ്രിയയും പൃഥ്വിരാജും വിവാഹിതരാകുന്നത്. വിവാഹവാർഷികദിനത്തിൽ ഇരുവർക്കും ആശംസകൾ നേർന്ന് നടി പൂർണിമ ഇന്ദ്രജിത്ത്, ടൊവീനോ, അപർണ ബാലമുരളി, ഗീതു മോഹൻദാസ് തുടങ്ങി നിരവധിപ്പേർ രം​ഗത്തെത്തി.