യുവാക്കൾ നെഞ്ചിലേറ്റിയ ചിത്രം ആഷിഖി 2 ന്റെ ഏഴാം വാർഷികമാണ് ഇന്ന്. ശ്രദ്ധ കപൂറും ആദിത്യ റായ് കപൂറുമായിരുന്നു ചിത്രത്തിലെ നായകനും നായികയുമായി എത്തിയ. റിലീസിന് പിന്നാലെ ഇരുവരും ആരാധകരുടെ ഇഷ്ടജോഡിയായി മാറിയിരുന്നു. സംഗീതത്തിന് പ്രാധാന്യം നൽകിയ ചിത്രത്തിലെ ഗാനങ്ങളും സൂപ്പർഹിറ്റുകളായി. ഇപ്പോൾ ചിത്രത്തിന്റെ വാർഷികത്തിന് ഹൃദയസ്പർശിയായ കുറിപ്പ് സോഷ്യൽ മീഡിയയിൽ പങ്കുവെക്കുകയാണ് ശ്രദ്ധ കപൂർ.
ചിത്രത്തിലെ അണിയറ പ്രവർത്തകർക്കും ആരാധകർക്കുമെല്ലാം നന്ദി പറഞ്ഞുകൊണ്ടാണ് പോസ്റ്റ്. ചിത്രത്തിലെ രംഗങ്ങൾ ചേർത്ത് ആരാധകർ നിർമിച്ച കുറിപ്പിനൊപ്പം ചേർത്തിട്ടുണ്ട്. ഇന്ന് ആഷിഖി 2 ന് ഏഴു വയസ്. ജീവിതത്തിൽ ഏറ്റവും മികച്ച സമ്മാനം തന്നതിന് മോഹിത് സുരിക്ക് നന്ദി പറയുന്നു. വിശ്വസിച്ചതിന് വിശേഷ് ഫിലിംസിനോടും. മനോഹരമായ എഴുത്തിന് ഷഗുഫ്ത റഫീഖിനും നന്ദി. അവിശ്വസനീയമായ മികവുറ്റ സഹതാരമായതിന് ആദ്യത്യയോടും ഈ ചിത്രത്തിനായി എല്ലാം നൽകിയ ടീം അംഗങ്ങളോടും നന്ദി പറയുന്നു. ആരാധകരുടെ സ്നേഹം വിലമതിക്കാനാവാത്തതാണെന്നും താരം കുറിച്ചു. ഈ പ്രപഞ്ചത്തിലെ ഏറ്റവും ഭാഗ്യവതിയായ പെൺകുട്ടി താനാണെന്നും ശ്രദ്ധ വ്യക്തമാക്കി.
2013 ൽ പുറത്തിറങ്ങിയ ആഷിഖി 2 മോഹിത് ഷൂരി യാണ് സംവിധാനം ചെയ്തത്. ഗായകരുടെ പ്രണയവും അവരുടെ കരിയറുമാണ്ചിത്രത്തിൽ പ്രമേയമായത്. വലിയ കയ്യടിയാണ് ചിത്രം നേടിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ