ആസിഫ് അലിയും ഭാവനയും പ്രധാനവേഷത്തിൽ എത്തിയ സൂപ്പർഹിറ്റ് ചിത്രമായിരുന്നു ഹണി ബീ. യുവാക്കൾ ഏറ്റെടുത്ത ചിത്രത്തിലെ ഡയലോഗുകളും ഗാനങ്ങളുമെല്ലാം ആരാധകരുടെ മനസു കീഴടക്കിയിരുന്നു. സിനിമ റിലീസ് ചെയ്ത് ഏഴ് വർഷങ്ങൾക്ക് ശേഷം ചിത്രത്തിലെ ചില ഡിലീറ്റഡ് രംഗങ്ങൾ പുറത്തുവിട്ടിരിക്കുകയാണ് അണിയറ പ്രവർത്തകർ.
ചിത്രത്തിലെ പ്രധാന വേഷത്തിൽ എത്തിയ ആസിഫ് അലിയുടെ സെബാനും, ബാബു രാജിന്റെ ഫെർണോയും ബാലു അവതരിപ്പിച്ച അംബ്രോസിന്റേയും ശ്രീനാഥ് ഭാസിയുടെ അബുവിനേയുമാണ് നീക്കം ചെയ്ത വിഡിയോയിൽ കാണുന്നത്. പരീക്ഷയ്ക്ക് കോപ്പി അടിക്കുന്ന ആംബ്രോസിന്റേതാണ് ഒരു വിഡിയോ.
അമ്മയ്ക്കും മുത്തശ്ശിക്കുമൊപ്പമുള്ള അബുവിന്റെ ജീവിതമാണ് മറ്റൊന്നിൽ. വിവാഹിതരാകാൻ ഒരുങ്ങുന്ന ഫെർണോയും സാറയും പ്രീ മാര്യേജ് കോഴ്സിൽ പങ്കെടുക്കുകയാണ്. കൂടാതെ ആംബ്രോസിന്റെ ഗ്യാരേജിൽ പണിയെടുക്കുന്ന സെബാന്റെയും രംഗമാണ് നീക്കം ചെയ്തിരിക്കുന്നത്.
ജൂനിയർ ലാലാണ് ചിത്രം സംവിധാനം ചെയ്തത്. ഇവരെ കൂടാതെ ലാൽ, വിജയ് ബാബു, അര്‍ച്ചന കവി തുടങ്ങിയ വൻ താരനിരതന്നെ ചിത്രത്തിലുണ്ടായിരുന്നു. ആദ്യചിത്രത്തിന്റെ വന്‍ വിജയത്തെ പിന്‍തുടര്‍ന്ന് രണ്ടാം ഭാഗമായി ഹണി ബീ 2 വും സിനിമയ്ക്കുള്ളിലെ സിനിമ പറഞ്ഞ ഹണി ബി 2.5വും തിയറ്ററുകളില്‍ എത്തിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
