രക്ഷാബന്ധൻ ദിനത്തിൽ അഭിഷേക് ബച്ചനൊപ്പമുള്ള ഓർമ്മകൾ പങ്കുവച്ച് സഹോദരി ശ്വേത ബച്ചൻ. അഭിഷേകിനൊപ്പമുള്ള കുട്ടിക്കാല ചിത്രമാണ് ശ്വേത പങ്കുവച്ചിരിക്കുന്നത്. അഭിഷേകിനേക്കാൾ മികച്ച സഹോദരനെ ആവശ്യപ്പെടാനില്ല എന്നാണ് ചിത്രത്തോടൊപ്പം ശ്വേത കുറിച്ചത്.
അഭിഷേകുമൊത്തുള്ള സംഭാഷണങ്ങൾ താൻ മിസ് ചെയ്യുന്നെന്നും രോഗം ഭേദമായി വേഗം വീട്ടിലേക്ക് മടങ്ങിവരൂ എന്നും സഹോദരനോട് പറയുകയാണ് ശ്വേത.
കോവിഡ് പരിശോധനഫലം നെഗറ്റീവ് ആയി വീട്ടിലേക്ക് മടങ്ങി അമിതാഭ് ബച്ചനും അഭിഷേക് ആശുപത്രിയിൽ തുടരുന്നതിൽ ദുഃഖിതനാണ്. പ്രാർത്ഥനയോടെ മകൻ തിരിച്ചെത്തുന്നതിനായി കാത്തിരിക്കുകയാണ് ബിഗ് ബി. ഐശ്യര്യയും ആരാധ്യയും ഏതാനും ദിവസങ്ങൾക്ക് മുൻപ് ആശുപത്രിയിൽ നിന്നും ഡിസ്ചാർജ് ആയി വീട്ടിലേക്ക് മടങ്ങിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
