റീസ് വെതര്സ്പൂണ്, മിണ്ടി കലിങ് എന്നിവര്ക്ക് പിന്നാലെ നടി പ്രിയങ്ക ചോപ്രയും 2020 സ്പെഷ്യല് കലണ്ടറുമായി എത്തിയിരിക്കുകയാണ്. ഓരോ മാസത്തിലെയും തന്റെ ഭാവങ്ങള് കോര്ത്തിണക്കിയുള്ള മീം ആണ് താരം പങ്കുവച്ചിരിക്കുന്നത്.
2020ലെ ഓരോ മാസം പിന്നിടുമ്പോള് സ്ഥിതി മോശമാകുന്നത് സ്വന്തം ചിത്രങ്ങളിലൂടെ കാണിച്ചിരിക്കുകയാണ് പ്രിയങ്ക. വെതര്സ്പൂണും കലിങ്ങുമാണ് ഈ ട്രെന്ഡിന് തുടക്കമിട്ടത്. ജനുവരിയില് വളരെ സന്തുഷ്ടയായിരുന്ന പ്രിയങ്ക പിന്നീടുള്ള ഓരോ മാസവും ദുഃഖിതയായാണ് ചിത്രങ്ങളിലുള്ളത്. വര്ഷാവസാനത്തോടടുക്കുമ്പോള് വൈന് ഗ്ലാസ് ഉപയോഗിച്ച് സ്വയം അടിക്കുന്ന ദൃശ്യമാണ് മാസങ്ങളെ വിവരിക്കാന് പ്രിയങ്ക ഉപയോഗിച്ചിരിക്കുന്നത്.
പ്രിയങ്കയെക്കൂടാതെ അന്നാ ഹാത്വേ, ജെസിക്ക ചാസ്ടെയിന് തുടങ്ങിയവരും 2020ലെ മീമുകള് തയ്യാറാക്കിയിട്ടുണ്ട്. താരങ്ങള് അവരുടെതന്നെ ചിത്രങ്ങളും സിനിമകളിലെയും അഭിമുഖങ്ങളിലെയും ദൃശ്യങ്ങളുമാണ് ഇതിനായി ഉപയോഗിച്ചിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ