മോതിര മാറ്റത്തിന് അണിഞ്ഞൊരുങ്ങി പ്രാചി, വിവാഹം ഇന്ന്; ഹൽദി ചിത്രങ്ങൾ പുറത്തുവിട്ടു 

വിവാഹ നിശ്ചയവും വിവാഹവും ഇന്ന് തന്നെയാണ് നടക്കുക
മോതിര മാറ്റത്തിന് അണിഞ്ഞൊരുങ്ങി പ്രാചി, വിവാഹം ഇന്ന്; ഹൽദി ചിത്രങ്ങൾ പുറത്തുവിട്ടു 

മാമാങ്കത്തിലൂടെ ശ്രദ്ധേയയായ നടി പ്രാചി തെഹ്ലാന്റെ വിവാഹം ഇന്ന്. ഡൽഹി സ്വദേശിയായ ബിസിനസുകാരൻ രോഹിത് സരോഹയാണ് വരൻ. വിവാഹ നിശ്ചയവും വിവാഹവും ഇന്ന് തന്നെയാണ് നടക്കുക‌. മോതിര മാറ്റ ചടങ്ങുകൾ പൂർത്തിയായി. വൈകിട്ടാണ് വിവാഹചടങ്ങുകൾ. 

നീണ്ടനാളായി പ്രണയത്തിലായിരുന്നു പ്രാചിയും രോഹിത്തും. കോവിഡ് മാനദണ്ഡങ്ങൾ പാലിച്ച് ഡൽഹിയിൽവെച്ചാണ് വിവാഹം നടക്കുക. ഹൽദി ആഘോഷങ്ങളുടെ ചിത്രങ്ങൾ ഇതിനോടകം പുറത്തുവന്നു. മഞ്ഞയിൽ പച്ച കല്ലുകൾ കൊണ്ട് ഡിസൈൻ ചെയ് റഫിൾ ലെഹങ്കയായിരുന്നു ഹർദി ആഘോഷങ്ങൾക്ക് പ്രാചി അണിഞ്ഞത്. മെഹന്ദി ചടങ്ങിൽ കടുംപച്ച നിറത്തിലെ വേഷത്തിൽ ഏറെ സുന്ദരിയായിരുന്നു നടി. ആഘോഷങ്ങളുടെ ഓരോ നിമിഷവും ഇഷ്ടപ്പെടുന്നു എന്ന് കുറിച്ചാണ് പ്രാചി ചിത്രങ്ങള്‍ പങ്കുവച്ചത്.

50 പേരെയാണ് വിവാഹത്തിന് ക്ഷണിച്ചിട്ടുള്ളത്. അതിഥികളോട് മാസ്ക് ധരിക്കാൻ ആവശ്യപ്പെട്ടിട്ടുണ്ട്. വിവാഹ വേദിയിലും മാസ്കും സാനിറ്റെെസറുമുണ്ടായിരിക്കുമെന്നും പ്രാചി അറിയിച്ചു. വിവാഹത്തിനെത്തുന്ന ഓരോരുത്തരുടേയും ആരോഗ്യം തനിക്ക് പ്രധാനപ്പെട്ടതാണെന്നും അതിനാൽ വലിയ വേദിയാണ് ബുക്ക് ചെയ്തിരിക്കുന്നതെന്നും പ്രാചി പറയുന്നു. അതിഥികൾ കൂട്ടമായി എത്താതിരിക്കാൻ 30 മിനുറ്റിന്റെ ഇടവേളകളിൽ എത്താനാണ് അറിയിച്ചിരിക്കുന്നത്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com