തെന്നിന്ത്യൻ സൂപ്പർതാരം റാണ ദഗ്ഗുബാട്ടി വിവാഹിതനായി. പ്രണയിനി മിഹീക ബജാജിനെയാണ് താരം താലിചാർത്തിയത്. ശനിയാഴ്ച ഹൈദരാബാദിൽ രാമനായിഡു സ്റ്റുഡിയോസില് വച്ചാണ് വിവാഹചടങ്ങുകൾ നടന്നത്. അടുത്ത ബന്ധുക്കൾ മാത്രമാണ് വിവാഹത്തിന് പങ്കെടുത്തത്. റാണ- മഹീക വിവാഹചിത്രങ്ങൾ സോഷ്യൽ മീഡിയയിൽ വൈറലാവുകയാണ്.
ഹാപ്പിലി എവർ ആഫ്റ്റർ എന്ന അടിക്കുറിപ്പിലാണ് റാണ വിവാഹചിത്രം പങ്കുവെച്ചിരിക്കുന്നത്. ഷർവാണിയായിരുന്നു റാണയുടെ വേഷം. ഓഫ് വൈറ്റ് ലെഹങ്കയും സാഫ്രോൺ ദുപ്പട്ടയും അണിഞ്ഞ് അതിസുന്ദരിയായിരുന്നു മഹീജ. തെന്നിന്ത്യൻ താരങ്ങൾ ഉൾപ്പടെ നിരവധി പേരാണ്നവദമ്പതികൾക്ക് ആശംസയുമായി എത്തുന്നത്.
മുപ്പതിൽ താഴെ അതിഥികൾ മാത്രമാണ് ചടങ്ങുകളിൽ സംബന്ധിച്ചത്. കോവിഡ് മാനദണ്ഡങ്ങൾ പാലിച്ചാണ് ചടങ്ങുകൾ നടന്നത്. എല്ലാ അതിഥികൾക്കും കോവിഡ് ടെസ്റ്റും നടത്തിയിരുന്നു. റാണയുടെ അടുത്ത ബന്ധുക്കളായ നടി സാമന്ത അകിനേനി, ഭർത്താവും നടനുമായ നാഗ ചെെതന്യ, നടൻ രാം ചരൺ, ഭാര്യ ഉപാസന എന്നിവരും വിവാഹത്തിൽ പങ്കെടുത്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ