പ്രമുഖ ഗണിതശാസ്ത്ര പ്രതിഭ ശകുന്തളാദേവിയുടെ ജീവിതം പ്രമേയമാക്കി ഒരുക്കിയ ചിത്രം മികച്ച അഭിപ്രായം നേടിയിരിക്കുകയാണ്. സിനിമയിൽ ശകുന്തളാദേവിയുടെ കഥാപാത്രം അവതരിപ്പിച്ച വിദ്യാബാലനാണ് അഭിനന്ദനങ്ങളേറെയും. സിനിമയിലെ വിദ്യയുടെ പ്രകടനവും കഥാപാത്രമാകാൻ എടുത്ത തയ്യാറെടുപ്പുകളും മികച്ച രീതിയിലാണ് വിലയിരുത്തപ്പെട്ടത്. ഇപ്പോഴിതാ സിനിമയുടെ പശ്ചാത്തലത്തിൽ രസകരമായ ഒരു കാര്യം പങ്കുവച്ചിരിക്കുകയാണ് വിദ്യ.
പത്താം ക്ലാസിലെ സ്വന്തം മാർക്ക്ലിസ്റ്റുമായാണ് വിദ്യ ആരാധകർക്ക് മുന്നിൽ എത്തിയിരിക്കുന്നത്. "ഞാൻ ജീനിയസ് ഒന്നും ആയിരുന്നില്ലെങ്കിലും ഒട്ടും മോശമല്ലല്ലോ അല്ലേ" എന്നാണ് ചിത്രത്തോടൊപ്പം ആരാധകരോടുള്ള വിദ്യയുടെ ചോദ്യം. 1994ലെ പത്താംക്ലാസ് പരീക്ഷയുടെ മാർക്ക്ലിസ്റ്റിലാണ് വിദ്യ ആരാധകർക്കായി ട്വിറ്ററിലൂടെ പങ്കുവെച്ചിരിക്കുന്നത്. ഇതോടൊപ്പം ആരാധകരോട് അവരുടെ കണക്കിന്റെ മാർക്കുകൾ കമന്റായി കുറിക്കാനും നടി ആവശ്യപ്പെട്ടിട്ടുണ്ട്.
ജൂലൈ 31 ന് ആമസോൺ പ്രൈമിൽ റിലീസ് ചെയ്ത ശകുന്തളാദേവി അനു മേനോനാണ് സംവിധാനം ചെയ്തത്. സോണി പിക്ചർസ് നെറ്റ്വർക്സ് പ്രൊഡക്ഷൻസും അബുൻഡാനിയ എന്റർടെയ്ൻമെന്റും ചേർന്നാണ് ചിത്രം നിർമ്മിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ