വിവാഹത്തിന് ശേഷം സിനിമയിൽ നിന്ന് ഇടവേളയെടുത്ത് കുടുംബജീവിതം ആസ്വദിക്കുകയാണ് നടി മുക്ത. മകളുടേയും വീട്ടിലേയും വിശേഷങ്ങളെല്ലാം താരം സോഷ്യൽ മീഡിയയിലൂടെ പങ്കുവെക്കാറുണ്ട്. ഇപ്പോൾ മകളുടെ തലമുടിയിൽ തേയ്ക്കുന്നതിനുവേണ്ടി എണ്ണ കാച്ചിയിരിക്കുകയാണ് മുക്ത. ഇൻസ്റ്റഗ്രാമിൽ പങ്കുവെച്ച വിഡിയോയിലൂടെയാണ് എണ്ണ കാച്ചുന്നതിന്റെ വിശേഷങ്ങൾ പങ്കുവെച്ചത്.
മകൾ കണ്മണിക്കുട്ടിയേയും ഒപ്പം കൂട്ടിയാണ് എണ്ണ കാച്ചുന്നത്. തനിക്ക് മുടിവളരാനാണ് അമ്മ എണ്ണ കാച്ചുന്നത് എന്നാണ് അമ്മിണിക്കുട്ടി പറഞ്ഞത്. കൂടാതെ അമ്മയ്ക്കാപ്പം നിന്ന് കുസൃതി നിറഞ്ഞ വർത്തമാനവും പറയുന്നുണ്ട്. അമ്മക്കുട്ടിക്ക് എന്നു പറഞ്ഞാണ് മുക്ത വീഡിയോ പങ്കുവച്ചിരിക്കുന്നത്. മകൾക്ക് വേണ്ടി എന്തു ചെയ്യുന്നതും വളരെ സന്തോഷമാർന്ന ഒരു കാര്യമാണെന്നും ആസ്വദിച്ചാണ് താൻ കൺമണിക്കായി എണ്ണ തയ്യാറാക്കുന്നതെന്നും മുക്ത പറയുന്നു.
നാടന്‍ ചേരുവകള്‍ ചേര്‍ത്താണ് മുക്ത എണ്ണയുണ്ടാക്കുന്നത്. നെല്ലിക്ക, കറ്റാർവാഴ, ചുവന്നള്ളി, കീഴാർ‍നെല്ലി, ബ്രഹ്മി, മുക്കുറ്റി, കൃഷ്ണതുളസി, ചെമ്പരത്തിപ്പൂവ്, ചെത്തിപ്പൂവ്, കറിവേപ്പില, മൈലാഞ്ചി, കർപ്പൂരം മുതലായവ ചേർത്താണ് മുക്ത എണ്ണ തയ്യാറാക്കിയിരിക്കുന്നത്. വളരെ കട്ടിയായിട്ടാണ് മുക്ത എണ്ണ കാച്ചിയെടുത്തിരിക്കുന്നത്. ഇലകൾ ഇല്ലെങ്കിൽ ചുവന്നുള്ളിയും കൃഷ്ണതുളസിയും മാത്രം വച്ചും എണ്ണ ഉണ്ടാക്കാമെന്ന് മുക്ത പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
