കുഞ്ഞതിഥിക്കായുള്ള കാത്തിരിപ്പിലാണ് നടിയും അവതാരകയുമായ പാർവതി കൃഷ്ണയും സംഗീത സംവിധായകനും അവതാരകനുമായ ബാലഗോപാലും, ഇരുവരും പങ്കുവയ്ക്കുന്ന ഗർഭകാല വിശേഷങ്ങൾ ആരാധകർ ഏറ്റെടുക്കാറുമുണ്ട്. നിറവയറിൽ നൃത്തം ചെയ്യുന്ന പാർവതിയുടെ വിഡിയോ കണ്ടാണ് ഈ അടുത്ത് ആരാധകർ അമ്പരന്നത്.
ഒൻപതാം മാസത്തിൽ മനസ്സ് തുറന്ന് നൃത്തംചെയ്യുന്ന പാർവതിയെ കണ്ട് ഒരുപാടുപേർ സന്തോഷം കമന്റുകളായി കുറിച്ചപ്പോൾ ചിലർ വിമർശനങ്ങളും ഉന്നയിച്ചു. ആരോഗ്യം ശ്രദ്ധിക്കണമെന്നും അധികം അനങ്ങരുതെന്നുമൊക്കെയാണ് ഇക്കൂട്ടരുടെ ഉപദേശം. എന്നാൽ ഗർഭിണിയായിരിക്കെ ഡാൻസ് ചെയ്യുന്നത് നല്ല അനുഭവമാണെന്നാണ് പാർവതി പറയുന്നത്. മനസ്സിന് സന്തോഷവും ശരീരത്തിന് ഫ്‌ളക്‌സിബിലിറ്റിയുമാണ് കിട്ടുമെന്ന് പറഞ്ഞ നടി പഴയ നൂറ്റാണ്ടിൽ ജീവിക്കുന്നവരാണ് തന്നെ വിമർശിക്കുന്നതെന്നും പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
