ടൊവിനോ ചിത്രം ഫോറൻസിക് ബോളിവുഡിലേക്ക്, വിക്രാന്ത് മസേ നായകൻ

മിനി ഫിലിംസിന്റെ ബാനറിൽ മൻസി ബംഗ്ലയാണ് ഫോറൻസിക് ഹിന്ദിയിലെത്തിക്കുന്നത്
വിക്രാന്ത് മസേ, ടൊവിനോ തോമസ്/ ചിത്രം: ഇൻസ്റ്റ​​ഗ്രാം
വിക്രാന്ത് മസേ, ടൊവിനോ തോമസ്/ ചിത്രം: ഇൻസ്റ്റ​​ഗ്രാം

ടൊവിനോ തോമസ്, മംമ്ത മോഹൻദാസ് എന്നിവർ കേന്ദ്ര കഥാപാത്രങ്ങളെ അവതരിപ്പിച്ച ത്രില്ലർ ചിത്രം ഫോറൻസിക് ബോളിവുഡിലേക്ക്. നടൻ വിക്രാന്ത് മസേയാണ് ചിത്രത്തിന്റെ ഹിന്ദി പതിപ്പിൽ നായകനായെത്തുന്നത്. മിനി ഫിലിംസിന്റെ ബാനറിൽ മൻസി ബംഗ്ലയാണ് ഫോറൻസിക് ഹിന്ദിയിലെത്തിക്കുന്നത്.

നായകൻ ഒഴികെ മറ്റ് താരങ്ങളുടെയോ അണിയറപ്രവർത്തകരുടെയോ വിവരങ്ങൾ ഇനിയും പുറത്തുവിട്ടിട്ടില്ല. നവാ​ഗതരായ അഖിൽ പോൾ, അനസ് ഖാൻ എന്നിവർ ചേർന്നാണ് മലയാളത്തിൽ ചിത്രം സംവിധാനം ചെയ്തത്.

സാമൂവൽ ജോൺ കാട്ടൂക്കാരൻ എന്ന ഫോറൻസിക് ഉദ്യോ​ഗസ്ഥന്റെ വേഷമാണ് ചിത്രത്തിൽ ടൊവിനോ കൈകാര്യം ചെയ്തത്. പൊലീസ് കമ്മീഷ്ണർ ഋതിക സേവ്യർ ഐ.പി.എസ് എന്ന കഥാപാത്രത്തെയാണ് മംമ്ത എത്തിയത്. സൈജു കുറുപ്പ്, രഞ്ജി പണിക്കർ, റീബ മോണിക്ക ജോൺ തുടങ്ങിയവരും ചിത്രത്തിൽ അഭിനയിച്ചിരുന്നു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com