ഈ മൊട്ടകളെ കണ്ട് നിങ്ങൾക്ക് പരിചയമുണ്ടോ? കണ്ടാൽ ഇരട്ടകളെപ്പോലെ തോന്നുമെങ്കിലും അങ്ങനെയല്ല. ഒരാൾ ചേട്ടനും മറ്റൊരാൾ അനിയനുമാണ്. മലയാളത്തിന്റെ യുവതാരനിരയിലെ മുൻനിര താരങ്ങളാണ് ഇന്ന് ഈ മൊട്ടകൾ രണ്ടുപേരും. ഇന്ന് പിറന്നാൾ ആഘോഷിക്കുന്ന തന്റെ ചേട്ടന് ആശംസ അറിയിച്ചുകൊണ്ട് അനിയൻ പങ്കുവെച്ച ക്യൂട്ട് ചിത്രമാണ് ആരാധകർ ഏറ്റെടുത്തിരിക്കുന്നത്.
മലയാളികളുടെ പ്രിയങ്കരരായ പൃഥ്വിരാജും ഇന്ദ്രജിത്തുമാണ് ചിത്രത്തിൽ. ഹാപ്പി ബർത്ത്ഡേ ചേട്ടൻ എന്ന അടിക്കുറിപ്പിലാണ് മനോഹരമായ ചിത്രം താരം പങ്കുവെച്ചത്. മൊട്ട തലയുമായി ചിരിച്ചിരിക്കുന്ന ക്യൂട്ട് പയ്യൻമാർ ആരാധകരുടെ മനസു കീഴടക്കുകയാണ്.
എന്നാൽ ഇതിൽ ഏതാണ് പിറന്നാളുകാരൻ എന്നാണ് ആരാധകരുടെ സംശയം. രണ്ടുപേരും ഒരേപോലെയുണ്ടെന്നാണ് പലരുടേയും കമന്റ്. അച്ഛൻ സുകുമാരനെപ്പോലയാണെന്നും കമന്റുകൾ വരുന്നുണ്ട്. ആരാധകരും താരങ്ങളും ഉൾപ്പടെ നിരവധി പേരാണ് ഇന്ദ്രജിത്തിന് പിറന്നാൾ ആശംസകൾ അറിയിച്ചിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ