പ്രേമത്തിന് ശേഷം അൽഫോൺസ് പുത്രൻ സംവിധാനം ചെയ്യുന്ന പുതിയ ചിത്രത്തിൽ നയൻതാരയും ഫഹദ് ഫാസിലും നായിക – നായകന്മാരായി എത്തുന്നു. 'പാട്ട്' എന്ന ചിത്രത്തിലാണ് ഇരുവരും ഒന്നിച്ചെത്തുന്നത്. അൽഫോൺസ് തന്നെയാണ് നായികയായി നയൻതാര എത്തുന്ന കാര്യം പുറത്തുവിട്ടത്. ഇതാദ്യമായാണ് ഫഹദും നയൻതാരയും ഒരു ചിത്രത്തിൽ ഒരുമിക്കന്നത്.
ചിത്രത്തിന്റെ ടെെറ്റിൽ പോസ്റ്റർ ഫഹദ് ഫാസിൽ പുറത്തുവിട്ടു. പഴയകാലത്തെ ഓർമ്മിപ്പിക്കുന്ന ഓഡിയോ കാസറ്റാണ് പോസ്റ്ററിലുള്ളത്. ലോക സിനിമാ ചരിത്രത്തിൽ പുതുമയൊന്നും ഇല്ലാത്ത മൂന്നാമത്തെ മലയാള ചലച്ചിത്രം എന്ന ക്യാപ്ഷനോടെയാണ് അൽഫോൺസ് തന്റെ പുതിയ സിനിമ അവതരിപ്പിക്കുന്നത്.
ചിത്രത്തിന്റെ സംഗീത സംവിധാനം നിർവഹിക്കുന്നതും അൽഫോൺസ് തന്നെയാണ്. യുജിഎം എന്റർടെയിൻമെന്റസിന്റെ ബാനറിൽ സക്കറിയ തോമസ് & ആൽവിൻ ആന്റണി എന്നിവരാണ് സിനിമ നിർമ്മിക്കുന്നത്.
2013 ൽ നേരം എന്ന സിനിമയിലൂടെയാണ് അൽഫോൺസ് മലയാള സിനിമയിലേക്ക് എത്തുന്നത്. അതിന് ശേഷം 2015 ൽ സംവിധാനം ചെയ്ത പ്രേമത്തിലും നായകൻ നിവിൻ പോളിയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
