ഏഴ് വർഷം തികയുന്ന ഈ ദിവസം, ഒരു റീൽ കാർഡ് കൂടെ; പുതുവത്സര ദിനത്തിൽ സർപ്രൈസുണ്ടെന്ന് ലാലേട്ടൻ  

മോഹൻലാൽ - ജീത്തു ജോസഫ് ഹിറ്റ് സിനിമയായ ദൃശ്യം തിയറ്ററുകളിലെത്തിയിട്ട് ഇന്ന് ഏഴ് വർഷം തികഞ്ഞു. സിനിമയുടെ രണ്ടാം ഭാ​ഗം അണിയറയിൽ ഒരുങ്ങുന്നതിനിടെ ആദ്യ ഭാ​ഗത്തിന്റെ വാർഷികം പ്രമാണിച്ച് ആരാധകർക്ക് സമ്മാനവുമായി എത്തിയിരിക്കുകയാണ് ലാലേട്ടനും കൂട്ടരും. ദൃശ്യം 2 ടീസറിൻ്റെ റീൽ കാർഡ് ആണ് ഇന്ന് പങ്കുവച്ചിരിക്കുന്നത്. 

മോഹൻലാലിന്റെ ഫേസ്ബുക്ക് പേജിലൂടെയാണ് റീൽ കാർഡ് പുറത്തുവിട്ടത്. പുതുവത്സര ദിനത്തിൽ ദൃശ്യം 2 ടീസർ എത്തുമെന്നും അദ്ദേഹം അറിയിച്ചു. ജോർജുകുട്ടിയും കുടുംബവും ഒരുക്കിവച്ചിരിക്കുന്ന സർപ്രൈസിനായി കാത്തിരിക്കൂ എന്നാണ് പോസ്റ്റിൽ പറയുന്നത്. 

മോഹൻലാലിന്റെ ഫേസ്ബുക്ക് പോസ്റ്റ് 

"വർഷങ്ങൾക്ക് മുൻപ്, ഡബ്ബിങ് സ്റ്റുഡിയോയുടെ മോണിറ്ററിൽ  ഇതുപോലൊരു റീൽ കാർഡ് ഞാൻ കണ്ടു... പിന്നീട് നടന്നത്, നിങ്ങൾക്കും എനിക്കും അറിയാവുന്ന ചരിത്രം... 
ദൃശ്യം 
ഇന്ന് ഈ ഡിസംബർ 19ന് ... ദൃശ്യം നിങ്ങളിലേക്കെത്തിയിട്ട് 7 വർഷം തികയുന്ന ദിവസം, നിങ്ങളിലേക്ക് ഒരു റീൽ കാർഡ് കൂടെ... 
ദൃശ്യം 2 ടീസറിൻ്റെ ... 
കാത്തിരിക്കാൻ ഇനി കുറച്ചു നാളുകൾ കൂടെ... ജനുവരി 1ന് .. പുതുവത്സര ദിനത്തിൽ ദൃശ്യം 2 ടീസർ നിങ്ങളിലേക്ക്....
The teaser of #Drishyam2 will be releasing on Jan 1st, 2021, 00:00 am IST . Wait for the surprise George kutty and family is going to bring, this New Year. Stay Tuned
#Drishyam"