കോവിഡ്; സംഗീത സംവിധായകൻ അസീസ് ബാവ അന്തരിച്ചു
കൊച്ചി; കോവിഡ് ബാധിച്ച് ചികിത്സയിലായിരുന്ന നാടക- സീരിയൽ സംഗീത സംവിധായകൻ അസീസ് ബാവ അന്തരിച്ചു. 73 വയസായിരുന്നു. കോവിഡ് ബാധിച്ചതിനെ തുടർന്ന് ആറു ദിവസമായി വീട്ടിൽ ചികിത്സയിലായിരുന്നു. ശാരീരിക അസ്വ സ്ഥതകൾ അനുഭവപ്പെട്ടതിനെ തുടർന്ന് ഫോർട്ടുകൊച്ചി താലൂക്ക് ആശുപത്രിയിൽ എത്തിച്ചെങ്കിലും മരിക്കുകയായിരുന്നു.
ഹിന്ദുസ്ഥാനി, ഗസൽ സംഗീതത്തിൽ പ്രാവീണ്യം നേടിയിട്ടുണ്ട്. സംഗീത സംവിധാനത്തിന് പുറമേ ഗാനരചന, ഹാർമോണിയും- കീബോർഡ് വാദകൻ, സംഗീത അധ്യാപകൻ എന്നീ നിലകളിൽ പ്രശസ്തി നേടി. സ്ത്രീ, മിന്നുകെട്ട് തുടങ്ങിയ മെഗാ സീരിയലുകളിൽ സംഗീത സംവിധാനം നിർവഹിച്ചു. ഒട്ടേറെ സംഗീത ആൽബങ്ങൾ ചെയ്തിട്ടുണ്ട്. നത്തിങ് ബട്ട് മ്യൂസിക് എന്ന പേരിൽ സംഗീത ഗ്രൂപ്പിനും രൂപം നൽകി. ചുള്ളിക്കൽ സ്വദേശിയാണ്. ഗായകൻ ഗുൽമുഹമ്മദിന്റേയും ഗായിക സാറാ ഭായിയുടേയും മകനാണ്. സൈനബയാണ് ഭാര്യ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
