ദര്‍ബാര്‍ പരാജയം: വിതരണക്കാരില്‍ നിന്നും സംരക്ഷണം തേടി മുരുഗദോസ് കോടതിയില്‍

സിനിമാ വിതരണക്കാരില്‍ നിന്നും സംരക്ഷണം ആവശ്യപ്പെട്ട് തമിഴ് ചലച്ചിത്ര സംവിധായകന്‍ എ ആര്‍ മുരുഗദോസ് മദ്രാസ് ഹൈക്കോടതിയെ സമീപിച്ചു.
ദര്‍ബാര്‍ പരാജയം: വിതരണക്കാരില്‍ നിന്നും സംരക്ഷണം തേടി മുരുഗദോസ് കോടതിയില്‍


ചെന്നൈ: സിനിമാ വിതരണക്കാരില്‍ നിന്നും സംരക്ഷണം ആവശ്യപ്പെട്ട് തമിഴ് ചലച്ചിത്ര സംവിധായകന്‍ എ ആര്‍ മുരുഗദോസ് മദ്രാസ് ഹൈക്കോടതിയെ സമീപിച്ചു. രജനീകാന്ത് അഭിനയിച്ച തന്റെ കഴിഞ്ഞ ചിത്രം ദര്‍ബാര്‍ പരാജയമായിരുന്നു എന്നും രജനീകാന്ത് നഷ്ടപരിഹാരം നല്‍കണമെന്നും ആവശ്യപ്പെട്ട് വിതരണക്കാര്‍ രംഗത്ത് വന്നതിന് പിന്നാലെയാണ സംവിധായകന്‍ കോടതിയെ സമീപിച്ചിരിക്കുന്നത്. 

ജനുവരി ഒമ്പതിന് പൊങ്കല്‍ റിലീസായി എത്തിയ ചിത്രം പ്രതീക്ഷിച്ച വിജയം നേടാതെ ബോക്‌സ് ഓഫീസില്‍ തകര്‍ന്നിരുന്നു. 4000 തീയേറ്ററുകളില്‍ റിലീസ് ചെയ്ത ചിത്രത്തിലൂടെ ഉണ്ടായ നഷ്ടം രജനീകാന്ത് നികത്തണം എന്നാവശ്യപ്പെട്ട് വിതരണക്കാര്‍ രംഗത്ത് വന്നിരുന്നു. നടനെ കാണാനെത്തിയ വിതരണക്കാരെ പൊലീസ് തടഞ്ഞതിന് പിന്നാലെ, വീടിന് സമീപം നിരഹാരമിരിക്കാനാണ് വിതരണക്കാരുടെ തീരുമാനം. 

ചിത്രം എഴുപത് കോടിയിലേറെ നഷ്ടമുണ്ടാക്കിയെന്നാണ് റിപ്പോര്‍ട്ടുകള്‍. 200കോടി മുതല്‍മുടക്കില്‍ ലൈക്ക പ്രൊഡക്ഷനാണ് ദര്‍ബാര്‍ നിര്‍മ്മിച്ചത്. ചിത്രത്തിന് വേണ്ടി 108കോടിയാണ് രജനീകാന്ത് വാങ്ങിയത് എന്നാണ് റിപ്പോര്‍ട്ട്. മുന്‍പ് രജനി നായകനായ ലിംഗ എന്ന ചിത്രം നഷ്ടത്തിലായപ്പോഴും വിതരണക്കാര്‍ നഷ്ടപരിഹാരം ആവശ്യപ്പെട്ടിരുന്നു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com